ذلول ٍ للسرا عرماس

الا يا طير يا شلوه
نطيحك بالهدد قرناس

ينوش الخرب في عِلوه
قطامي أجدل ٍ فرّاس

شليل الساق يا ملوه
شقار امشقح ٍ بالراس

هلا والطيب له حروه
يبن عمران ابن شماس

رجال الوقت فالعروه
معادنهم ذهب وانحاس

دخلنا هالبلد عنوه
وشفنا امسلسل ام خماس

اثاري بالعمر نزوه
وكل ثوب ٍ عليه اقياس

وهات اعلومك الحلوه
وخل الشعر بالكراس

لصارت مهرتك فلوه
شكايمها خماس اسداس

بلاش اتضّيع الهقوه
وتكبي وما تجيب الكاس

تقول الحب هو بلوه
وانا اقول البلا فالناس

وناس ٍ تنقل العدوه
وناس ٍ تقتل الاحساس

يموت الورد بالقسوه
ويعيش الشك بالوسواس

مدامك واثق الخطوه
تلاقي طاري النوماس

وفالك يالخوي منوه
ذلول ٍ للسرا عرماس

صح لسانك اخوي
عناد


تحياتي

عنـاد الرواد
صح لسانك ملايين
حلقت بنا في سماء الابداع
جبل ومسندها على جبل
وترى مانبيك تسمح للنديم نبي رده وعاجل للمنتدى
لاهنت انت وياه والمتواجدين بمتصفحك
ودي وفائق تقديري