نخوة أم

[poem=font=",6,purple,bold,normal" bkcolor="transparent" bkimage="http://www.alhowaitat.net/mwaextraedit2/backgrounds/60.gif" border="double,4," type=0 line=0 align=center use=ex num="0,black""]
البارح نختني عاجز(ن)راسها شاب=راسم عليها الدهر الوان الغلايب

قالت ثمان اسنين بعداد وحساب=وابني وزين الروح مسجون غايب

من بعد سجنه زاد غربال وصعاب=قد مات ابوه ومات عمه مصايب

قالت قليلة حيل منهارة اعصاب=ولا مسعدآت العين عشرة حلايب

لاكن انقذوني قبل لاتجري اسباب=ويحيل مابيني وبينه نصايب

قلت ابشري والله عليم(ن)بالالباب=مايخيب ناصينا ولايقال خايب

ثم قلت انا بالستر من مبدى الاداب=نحلها من دون صوت وطلايب

وقفت موترنا وقفلت الابواب=يبقى رهن حتى تتم الحسايب

في معرض(ن)راعيه من عكف الاشناب=من حس بالموضوع فك الركايب

سموه سعد ابن صويان ولاخاب=اصغى معي مشكور والفال طايب

ماهي غريبه من عريبين الانساب=ذولا عتيبه فارعين النشايب

ولا قصرو بعض الجماعه ولاقراب=مجحد ثنى حق لبعيد وقرايب

ابوخالد ذخراَ لنا في يوم غصاب=هليل ولد جبرين نعمين شايب

قال ابشر بسعدك يابناخي ولا تهاب=لاجت لوازمنا تهون الصعايب

لبي طلبها ونفرج هم وكراب=ولاقت ولدها بالدموع السكايب

الام ماتنلام من لامها عاب=يكتب له الله في سجله عقايب

الام من يكسب رضاها احسن وصاب=يكسب رضا الله من رضاها وهايب

وصى بها الله في حديثٍ وفكتاب=جنات تحت اقدامها من العجايب

لاضاقت بك الدنيا وجافتك الاصحاب=ازبن ولي العرش منشي السحايب

الله كريم لرحمته تفتح ابواب=ينزل ثليث الليل لمعسر وتايب
[/poem]

اخوكم/المحترم