سجوبنا

[frame="2 98"]
ضاق النفس سجو بنا للهوى الطلق000الروح ذابت بالهجير وسلقها

كن النسيم اللي تنفس به الخلق000 سكــر منافيذه عليّ وغلقها
سجوا بنا صار الحشا محكم الغلق000تعبت اكن النفس عن منطلقها
ودي على روس الحزوم اتعلق000000قدام علات الجساد تعلقها
ودي القدم يمشي بها ويتطلق00000والعين امد بشوفها وابتلقها
واهيم مع عذب النسيم اتألق000فوق الخيال اللي ملك من علقها
بالصمت بحبال الخيال اتسلق000لين اخترق عالي السما وافتلقها
اشره على حر كفخ بالفضا طلق00طيرٍ رغب روس الجبال وملقها
هنيه اللي بعالي الجو حلّق0000كل ما تضيق النفس يطرد قلقها
هذي مناة الروح والخافق القلق000النفس لو لاق البلد ما يلقها
عفت الديار اللي بها الحسد واللق000والكبد جاها منها ما فلقها
اللي بها بعض البشر يفلقك فلق0000لو ما تكلم فيك عينه بلقها
الكلمة اللي ما جزع منها الحلق00تاوق بها فوق اللسان ودلقها
بالهرج ولا بالعيون ايتبلق000لو ما بك من عيوب فيك اختلقها
ما كن له ثوبٍ على المتن شلق00يومن تطاول عالثياب وشلقها
واللي له من اقدام لا يامن الزلق00إن كان جابته الدروب لزلقها
والما إذا ما عكروا صفوها خلق000ما يعكّر بصافي مياها علقها
والسن لولا سوسها كيف تقلق00إن كان ماهو اللي نخرها وفلقها
هذا وانا بي سجةٍ للهوى الطلق0000الروح طوّل يالنشاما قلقها
سجوا بنا ومن البلد مانبي علق00والنفس نوكلّها على اللي خلقها

[/frame]