آآآآآه يا صمتي الخجول

يطـوّل صمـتـي بقلـبـي .. يعانـدنـي غــرور إنـسـان
تندمـت إنـي أخفيتـه .. هـوى قلبـك .. نـظـر عيـنـي
أنـا أحبـك .. أنـا أعـزك .. أنـا يـا شوقـي الغلـطـان
كتمـت الحـب وضايقتـك .. وهــذي غلـطـة سنيـنـي
رميت اسمك و أنا ما أنكر .. رميته داخل الوجدان
أنـا مـا أجـحـد أبــد حــبٍ .. طــرد هــم ٍ لـجـا فيـنـي
أنا كذبي ما هـو غلطـة .. أنـا خوفـي مـن النكـران
أخـــاف بــيــوم تـجـحـدنـي .. وتـطـعـنـي بسـكـيـنـي
آصف غيرك غصب عني .. لجل حبي أبد مـا يبـان
أحــاول أخـفـي أشـواقـي .. ولـــو إنـهــا تعـاديـنـي
طلبتك لا تبرهن لي .. بأساليبـي بكـان ..و كـان !!
لــو أنـــك شفـتـهـا بعـيـنـك .. طلـبـتـك لا تجافـيـنـي
أنــا بعـتـك عـلـى قـلـب ٍ شــراك بـغـالـي الأثـمــان
وصـكـوك الـحـب تثـبـت لــك .. بـأنـك دوم تعنـيـنـي
بظلـمـي لا تـلـوم الـوقــت.. إذا جـازيـتـك بـنـكـران
سبـب هجـري علـى شانـك .. لجـل مفقـدك بيديـنـي
أشوف الناس وأتناساك .. غصـب ٍ لـو أنـا ولهـان
وأحــاول أكـتـم العـبـرة.. ويفضحـنـي دمــع عيـنـي
إذا قلبـك غـرق بالحـب .. أنـا قلـبـي مـنـه غـرقـان
متى يرسي على شطك .. متى بالله .. وتصافيني ؟
وإذا كرهي علاجك .. يـا هـلا بـه لـو بـلا إستئـذان
وإذا يشفي لك جروحـك .. طلبتـك تكفـى .. جافينـي
أشوفـك غيـر كـل الكـون .. مـا مثلـك أبــد إنـسـان
حسـافـة قلـبـك الطـيـب .. وضيـعـتـه مـــن يـديـنـي