هذه القصيدة كما وجدتها ونقلتها عن أحد أحفاد الشاعر : بصيص بن موبص الدلح المفرجي النفيعي العتيبي وهو يمتدح إبل الحويطات في قصيدته التي تتكون من تسعين بيت مذكور عددها في قصيدته .
وعمر هذه القصيدة أكثر من 150 سنه حسب كلام حفيد الشاعر وهي موجوده بمنتدى قبيلة عتيبه .
وقد توفي هذا الشاعر عام 1318 هـ رحمه الله . ورحم أموات المسلمين جميعاً .
القصيدة :
اول جوابي طلبة الله مبداة
عساه يغفرلي ويصلح لي اعمالي
ارجيه في الدنيا ويوم الملاقات
يدمح لي الزلات فيما مضالي
وبرقت فالدنيا ولامن طرابات
شانه وقافيها الفنا والكمالي
وطاري طرالي في الرياض مسمات
هيض هواجيسي وفيح دلا لي
وان جيت ابا في بعض الاحوال نوعات
اكود علي من عروض الجبالي
وقلطت محماسي وحطيت حبات
ومن الزعل شبيت فيه الشعالي
باتلى الشهر الا ليال قليلات
مبدا القمر قبل السبوع التوالي
رديت من با لي لحونن عجيبات
كودن على اللي يبدعون المثالي
ادله بها في ليلة عقب ضيقات
والقابها هجوه وتوسيع بالي
ادله بها يوم اسهر ولا بات
وانقد معانيها سوات الريالي
والله يلومتس يا العيون المعناة
يا اللي على هدرا وجرفن هيالي
وشالو مزاهبهم عل خمس وزنات
ولا هم شفقين لكثر الاكالي
فرحه على فرحه من ساس فرحات
فرحان على فرحان تسعة جمالي
وهنه على زين الطبايع وديبات
ونظارهن يكفن دون السوالي
حراير من نسل جيش الحويطات
اصايلن سوات بعض الحمالي
ورقابهن مثل الزواريق عدلات
وجنوبها مزنن جرد من خيالي
عصي اهلها كلبوها خيزرانات
وبشوتهم شقرن حوايك شمالي
ومتحيزمين اكمار في حضرميات
ومعلقين قصار من شغل تالي
ولا العسل مبري السبود العليلات
اللي يحطونه لسبع العـــــــــلالي
الى ان يقول
وتسعين بيتن كلهنه تقاوات
نظمتها سوات نظم اليالي
وستغفر الله كان عديت زلات
قدام تكتب علي الزلالي
وهذا رابط القصيدة من موقع عتيبة :
منقول .
تحياتي .
قصيدة لشاعر عتيبي بإبل الحويطات عمرها 150 سنه
العرض الشجري