خليتني أشكـي مـن البعـد مهمـوم
لا العين مسروره ولا القلب مرتـاح
وركبت لك قفل ٍ على القلب مختـوم
بأسم المحبه وإنـت للقلـب مفتـاح
قصر المحبه بعدكـم صـار مهـدوم
تلعب بجدرانـه صعاليـك الأشبـاح
ياما سهرت وحاربت عينـي النـوم
اذكرك حتى بان لي نـور الاصبـاح
امسيت معطا منك واصبحت محروم
وسيطر علي الحزن من عقب الافراح
عن الخطا مافيـه انسـان معصـوم
بس المهم اللي مشى درب الاصلاح
ولهل الهوى يازين عـادات وسلـوم
وسوق الهوى فيه الخساير والاربـاح
من مات في درب الهوى قلت مرحوم
الحب شعله نـورّت كـل مصبـاح
وخليتني اشكي مـن البعـد مهمـوم
لا العين مرتاحه والا القلب مرتـاح
للشاعر حمود البغيلي
مما راق لي
لا العين مرتاحه ولا القلب مرتاح
العرض الشجري