[poem=font="Simplified Arabic,6,blue,bold,normal" bkcolor="transparent" bkimage="../backgrounds/40.gif" border="solid,4,skyblue" type=2 line=0 align=center use=ex num="0,black"]
على كرسي وطاولتي بمقهى من قديم الجيل =جلست هناك عصرية آبروي قصتي فيها
وصوت الكوكب تغني بوقتٍ للطرب تأصيل=وتغرد تقول اخاف من سيرة الحب وطاريها
وكل الناس مشغوله ..نقاش .. وحكي ومع تحليل =احد يلعب ..احد يشرب .. واحد حار فبلاويها
احد يضحك .. احد يبكي ..واحد زايد عليه الكيل = وكل منهم عمل شيٍ لاجل نفسه يسليها
ولكن بين هالعالم وبين السالفة والقيل = وبين الحزن والدمعه وبين جروح تخفيها
لفت فكري كذا من بعيد عجوزٍ جت يمي تميل= ووقفت عندي وخيم سكوتٍ كان يحكيها
ملامح غامضه كانت على وجهٍ وطن للويل= ألم .. احزان .. صرخاتٍ ..بصدرٍ كان حاويها
عيونٍ من كثر ما هي تعاني من عذاب الليل =سكن فيها ذبولٍ مات في مقلة محاجيها
وخدٍ حيل متجعد ودمعٍ فوق خد يسيل= عجوزٍ جت تكلمني تبي اكتب محاكيها
قالت قبل عشر سنين تفارقنا انا وجبريل =رحل ..سافر.. بصف الجيش ودرات به موانيها
ودارت حولنا الدنيا الى منه تردى الحيل=وانا لا زلت منتظره فلذة كبدي آبيها
ظنى عمري... غلا صدري.. غلاي اللي احبه حيل=هذاك اللي اذا شفته تعب نفسي ينسيها
حكت لي كامل القصة بكل دقة وكل تفصيل =ولدها قبل عشر سنين رحل عنها ولا يجيها
وقالت لي آبي تكتب : تحياتي بقدر النيل= وقالت اكتب اشواقي كثيراتٍ معانيها
إكتب كيف انا بدونه اعيش الوقت في تذليل =اعيش العمر انا وحدي ولا به من يسليها
إكتب يا بعد كبدي وبعد قلبي وبعد الجيل=تعال امك تبي شوفك وتتحقق أمآنيها
تعال امك تبي همسك تبي لمسك تبي التقبيل=تبي تضمك على صدرٍ لهيب الشوق يكويها
تعال الموت في بعدك اشوفه كل يوم يخيل =تعال ارجوك ريحني وريح روح مشقيها
اخاف اموت يا عمري قبل ما هو لقانا يحيل= آبي من عطرانفاسك جروح الشوق اداويها
كتيت إيلين قالت بس : وعطني من الورق ما قيل=خذت مني رسالتها وقرتها قبل ترميها
وقبل لا تبتعد عني رمتها فوق شط النيل=وقالت روحي وان شفتيه كل كلماتي اقريها
سألت الناس قصتها عسى ألقى لها تحليل = قالوا الناس مسكينة وليت الله يشفيها
ترى ما عمرها حملت ولا جابت ..بس تخييل= تعيش العمر تتخيل وتسرح في مفاليها
وحيده ما لها اولاد ومحرومة من التدليل= ومحرومه من الاطفال ومن نعمة مرابيها
عاقر ..ارملة..عاجز..تتشرد بلا تأويل=بدون اطفال بلا اقراب وبلا زوجٍ يواسيها
تمنى لو يجيها طفل وتسمي طفلهاجبريل =تبي تناديه:..( يا جبريل)..وهذي كل امانيها[/poem]
المواضيع المتشابهه
حكاية (( ام جبريل ...))--ارجو القرآءة بتمعن.
العرض المتطور
