ملح القصيد
للشاعر محمد مريبد العازمي
تعال ياسكر نبـات العشـق ياملـح القصيـد
غيبتك لي مده وانـا اغنـي علـى طاروقهـا
قصيدة(ن) موالها تهتـز لـه خضـر الجريـد
ترخي هماليل المزون اللـي تلـوح بروقهـا
ماهي دراما او مسلسل تكتبـه فجـر السعيـد
مشاعر(ن)تليق بـي وانـت وغـلاك تلوقهـا
ناديت لك وانت القريب من المحانـي والبعيـد
وسقت القدم والا لغيـرك مستحيـل اسوقهـا
ومديت لك كف الرضا والعشق والعمر الزهيـد
ومدللـك مثـل الرجـال اللـي تدلـل نوقهـا
واصبحت تسري وسط شرياني وترجع فاالوريد
تقفي وتقبل وانت لـي طعـم الحيـاه وذوقهـا
ياراس مالي يوم مالـي لاحسـاب ولارصيـد
فاالبنك والاسهـم نمـوت ولادخلنـا سوقهـا
تعال قربك عيد والآ البعد ضربـه مـن حديـد
يامن تشب النار بغيابـي وانـا اطـى فوقهـا
اشعلت بردي في دفاك وذابت امـواج الجليـد
اللـي شواطيهـا تحـرا فيّتـك وشروقـهـا
كتبت فيك اغلـى القصيـد يفيـد والا مايفيـد
ابيـات لاغنيتهـا تـروق لــي واروقـهـا
ارجع ولاابغى لك عذر من دون شرط ودون قيد
يااول هوى نفسي وتاليهـم وغايـة شوقهـا
عامين احايل رفقتك والعمـر ينقـص مايزيـد
سنيـن ادوّر رفقـة اللـي رفقتـه ماابوقهـا
تعـال وافعـل ماتبـي والله يفعـل مايـريـد
اترك كلام اللي علـى السيـره تبـل حلوقهـا
ارجو تنال اعجابكم
ملح القصيد
العرض العادي
