هموم يوميه

صار الكبر للناس سنّه تاخذ الحكم المُباح
آفه خطيره أو مرض في مجتمعنا انتشر

اخفض جناحك والملايكه بتبسط لك جناح
اللي تواضع حبّه الله والنبي فوق البشر

واللي معه قرشين ما صدّق زمان الانفتاح
جاه المهايط واعلن الدعوى تحت كلمة فشر

له مجلس ٍ فيه المنافق ما يبطّل للنباح
هدّام حظ ويبهت العالم وكذّاب ٍ أشر

لوّ المأذن بالعرب نادى وحيّا عالفلاح
قال اقعدوا توالعرب متعللين وخير شر !

ليته قبل يكبر بقرشينه مع الناس استراح
ما يدري ان النار لوّاحه على تسعة عشر

رغم الفقر تبن الرجال اوطانها (هاذا النجاح)
وكثر الطموح يذلّ يعني غير قابل للنشر

والقلّ عاطل والفقر يا شين طعمه بالقراح
كم من رجل ذاقه وعاقه من بعد عزه دِشَر

صبرك على نفسك ولا صبر ٍ تقفّاه الرياح
اكل الحرام الله وكيلك يمحقك لين القشر

يبقى البني آدم بهالدنيا مثل نجم الصباح
لا غاب مات وربه اللي يبعثه يوم الحشر