السلام عليكم ورحمة الله وبركاته
هذه القصيده للشاعر متعب رشيد العتيبي(رحمة الله عليه قاله ليلة وفاته)والذي وفاه الاجل المحتوم يوم السبت الموافق26/5/1432هـ
بشرّ اللي حث رجله كـل ليلـه
للمساجـد قاصـدٍ رب العبـادي
في ظلام الليـل خطواتـه دليلـه
بشره بالنـور لانـادى المنـادي
مافعل مثل النفوس اللـي ثقيلـه
وعن فروض الله مـارده رقـادي
ولاغواه ابليس عن درب الفضيله
الصلاة مع الجماعه خيـر زادي
خايفٍ وقت الوعد ينقص حصيله
يوم لاينفـع صديـق ولامعـادي
في نهارٍ ينكر العاصـي خليلـه
ويتنّدم فـي حياتـه ماستفـادي
يوم الأم عن أبنها تصبح ذهيلـه
والهلع والخوف صاير فزديـادي
وقربت شمس النهار بقدر ميلـه
والعرق حسب الذنوب من العبادي
ويتنكر الابـو وايضـا الخليلـه
والابن من والده يبغـا البعـادي
ولايفيده حتى اخوه ابن الفصيلـه
كلٍ بنفسـه ومشغـول الفـؤادي
وكل واحد اعطي كتابـه يشيلـه
محصيً فعله ومكتـوب بمـدادي
انكتب فيه الحسن واللي جميلـه
وانكتب فيه المعاصي والتمـادي
من خذه بيساره افعالـه رذيلـه
ومن هو بيمناه قد نال المـرادي
والعصاه من الاوادم فـي مليلـه
نارها تشعـل ولا فيهـا رمـادي
واهل الايمان فـي ظـلٍ ظليلـه
في سرور وفي نعيم وفي بـرادي
ياكريم وكل مسلـم يرتجـي لـه
اهدنا درب الهدي ياخيـر هـادي
في نهارٍ ينكر العاصـــــي خليله
العرض الشجري