(حســــــاب حــــــــــــــــافــــــــــــز)

مريت احد البنوك ولقيت زحام شديد من الرجال والنساء من اجل حساب حافز

لكن كانت الاخلاق كلها قافله موظفين ومراجعين شي فعلا يزهق حتى اني سمعت

واحد يقول والله اروح اشحذ ازين لي من مرمطة حافز...وشدتني الكلمه واسترسلت القارحه

[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
امشي وامد الكف مع زحمة السوق=اخير لي من دوشة حساب حافز
سمعتها بالبنك من فم مخلوق=يقولها من ضيق والوضع خانز
ياخادم البيتين ياعالي الذوق=انتم ظهر لمساندة كل عاجز
انتم لكم بيضاء على راس شاهوق=لكن بلانا في دنو المراكز
شفهم على البيبان طوقٍ ورا طوق=كلٍ يدور عطوتك والحوافز
شوف البنوك تحط عوقٍ على عوق=والناس من فوق الكراسي تناقز
اربع شهور وخمس موعد ومحلوق=وفيهم بعد للست سبعه يناهز
واللي معه بالواسطه ظرف ملزوق=ساعه ويلقى باسمه حساب جاهز
وناسٍ تقول الرزق من واحدٍ فوق=والاغلبيه قال (باي)و(خدافز)
[/poem]

خدافز: كلمه بالاوردو تعني مع السلامه