قصيد محمد ابن فطيس

قصيدة محمد ابن فطيس تصفية الحساب

بسم الله الرحمن الرحيم

السلام عليكم ورحمة الله وبركاته

قصيدة الشاعر محمد بن فطيس المري




يا الله عفوك يوم تصفيـة الحسـاب
يومٍ حصاد لما زرعنـا فـي السنيـن
يوم الحشر قرب ولا معنـا زهـاب
اليوم في الدنيـا وبكـره راحليـن
نجمع ذنوب ونرتجي عفـو وثـواب
وعلى نصر ربـي لنـا مستعجليـن
تدرون ليه آمالنا كنهـا سـراب ؟
تدرون ليه النصر سيـف الأوليـن؟
الأوليـن أعمالهـم وفـق الكتـاب
قاموا عليه وباعـوا الدنيـا بديـن
وحنا غفلنا بين مـا لـذ وطـاب
والنصر سيف مـا يسلـه غافليـن
نصبح على شوف انتهاكات وخراب
ونمسي على دمـع وتنهـات ونيـن
بصدورنا شي تذوب إلـه الهضـاب
وأفعالنا والواقـع ريـاح وطحيـن
وعلى العيون من الفتن مثل الضبـاب
ماعاد ندري من يسار ومـن يميـن
ما للضعيف إلا الدعا لو مـا يجـاب
ما غيره إلا الشوف مكتوف اليديـن
يالله زلزل تحـت الأعـداء التـراب
والطف بنا واحقن دمـاء المسلميـن

ندعيك يا قادر على جعل السحاب
جيـش لنصـر قلـة مستضعفيـن
أغرقهم بنوع من أنـواع العقـاب
غرق الغلام اللي يحسب أنـه فطيـن
لو ما عصا نوح نجابه فـي رحـاب
سفينته وأمضى معه ف العمر حيـن
لكنه اختـار الخسـارة والذهـاب
إصنع بهم صنعك به وأنـت المتيـن
وإلا خذهم يا مجريٍ سود الحقـاب
أخذ العجوز اللي بقت في الغابريـن
ذوقهـم اللهم أنـواع الـعـذاب
اللي عثوا في أرضك من المفسديـن
وألطف بمن لبسوا من التقوى ثيـاب
عبـادك المستهدفـيـن المتقـيـن
تكالبت عليهـم أنيـاب الذئـاب
ولا غير عونك يا معيـن الصابريـن
من بينهم شيبة يعجـزون الشبـاب
من وقفته من طولها فـي الركعتيـن
ومن بينهم عذرا توّن بـلا حجـاب
حجابها لفوا بـه الجـرح المكيـن
تصيح ما هو من ألـم ولا صـواب
تبغي الحجاب اللي خذوه المسعفيـن
وطفل عن عيون أمه الثنتيـن غـاب
تبكيه عين وتلتفـت لأخيـه عيـن
من هول ما يجري لهم شاب الغـراب
يا وسع حلمك وأنت ما فوقك مدين
أدعيك وأنت أدرى بحال أهل المصاب
وأمد كفي لك يا أكـرم الأكرميـن









مـــــــــــــــنقول