خطايآ الــ غ ـــرآم........

. يا من ذبحت المحاني من غلاك الجموح
مرابطك في خفوقي ليه .. خليتها !!
نسيت مفلاك في ضلع الغلا والسفوح
اللي على طارف اضلاعي تخطريتها
فوحت دلة غلاتك .. والمشاعر تفوح
وبن الهوى يحيي الاذهان ويميتها !!
وصبيت لك من بهار الطيب ( فنجال روح )
ونثرت صبة يميني .. يوم مديتها !!
اوجعتني وانت ما تدري .. لو انها مزوح
وفهمت وش مقصدك منها .. وقاسيتها
يا ليت جرح الهوى لحظات عقبه يروح
ما كان نفسي على فرقاك .. حديتها !!
عواصف الحزن هدت من جفاك الطموح
في كلمة (ن) لا وصلت إلها .. تعديتها !!
أسكت الحزن فّي .. وتنطق العين بوح
حسبي على دمعة لرضاك هليتها !!
خلاص باح العزا لو كان قلبي سموح
يا أول وآخر أماني قد .. تمنيتها !!
الحب ماهو بغصبا !! تبغي تروح روح
ذبلت ورود المشاعر وأنت ما اسقيتها
قد قلت لك .. والقسى في عين صدك يلوح
حدك معك بالجفا .. وما كنك اوحيتها !!
مبدا المحبه غرام ومنتهاها جروح !!
هي هكذا .. تجربتها .. يوم عانيتها !!
ما كنك اللي عرفته !! يا الغزال الذبوح
حيرتني باربع اشياء .. ما تهقويتها
( حبك / وداعي غلاك / وغيرتك / والوضوح
ماتت من الحزن ولا وين وديتها !! )
ان رحت عنك تجي .. وان جيت يمك تروح
يا تنهي المسأله ولا ترى انهيتها !!
كرامتي مالها .. إلا استاذنك بالنزوح
فإجمع خطايا الغرام .. وشب كبريتها .

[align=justify]
انتقاء رائع لقصيدة جميلة ومميزة ..
شكراً لك على الذائقة الرائعة ..
دمت ِ بود ..





الذيب
[/align]

الله حييييه منوور
منححرم من هـ الطله

نص أكثر من رائع
يعطيك العافيه وسلم لنا هذا الذووق
تقبلي ردي ووردي

مبدا المحبه غرام ومنتهاها جروح !!
هي هكذا .. تجربتها .. يوم عانيتها !!

انفاس العشق

اشكرك على الابيات الجميلة