قصيدة بين شاعر ويرد عليه شجر اللوز.

يقول الشاعر

ياللوزمامرك رفيق المجافيل
ناوي على المقناص صوب الجباله

من رافقه للصيد شاف التهاويل
كن الشقا في القنص هو راس ماله

قال اللوز :

جاني معه رفقه مع دخلة الليل
وقت الغروب ومع تلاحق ظلاله

شايل معه عزبه ولا زود الكيل
فيه الولع بالصيد يشبه اهباله

قلت :

ياللوز قفا مابعث لي مراسيل
وقتي عصاني يوم وقته صفاله

اشرافة المرقاب تبري المعاليل
بشر عساه بخير في كل حاله

قال اللوز :

ارتاح في ظلي ومد الدرابيل
يرقب جميع اللي تحرك قباله

في جبال فيهن للوحوشه مداهيل
ومخططن للصيد داير بباله

قلت :
ا
ياللوز في المقناص كثر البهاذيل
خايف عليه من الظما لايناله

الى عثا فاللي قرونه مهاليل
من قو باسه شال حمل الجماله

قال اللوز :

بعد العصر جاني معه حملن اثقيل
وبندق على كتفه وباقي عزاله

ووقف هنا واقفى بما فيه من حيل
وشرب توالي المي واللي بقى له

قلت :

ياللوز هذا الصيد عشق الرجاجيل
له متعتن بعض البشر عنه داله

راعيه ماصدوه كثر العواذيل
بين الجباله كن غالي غدى له

ولهامسون
صح لسانك على هالمجاراة
اللوز شاعر قديم كم من الناس جاراة
مجاراة جميله جزلة
الله يعطيك العافية

{تحيتي لك وتقديري}