بس مشّ حالك

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يا وقت يلي فيك ما فيك كافيك=دور السلامه لو لقيت السلامه


ما شفت منك الا العنا والشرابيك=لا صار من ذيل البعير انخطامه


حبكتها للي يبون المحابيك=تنشر وتقراها عيال ٍ نشامه


يا صاحبي والشك والشوك والشيك=ترى الرجال اشكال مزن وجهامه


احدن تعذّر له وهو مبتلش فيك=كنه على قلبك يسرهد كلامه


واليا عرضلك عاتبك في مساويك=ما يقدر اظروفك ولا له كرامه


واحدن توهّق به وجالك يناديك=من هزعة ٍ وحده يدهدم اردامه


يشيل نفسه كالجمل للمباريك=وقت السعه كتفه يباري اسنامه


ولا ضاقت افجوج الخلا جاك يشكيك=ثم راح شرق وغرب واقصا تهامه


واحدن يقلد والتقاليد تشكيك=نسى الغراب ومشيته للحمامه


واحدن يحيز ابهالمجالس على الريك=وهو ثور ٍ أنبط ما يوّزن كلامه


يا لايمي في الخلق خلني اوريك=تنوّع ارجال الردى والشهامه


اللي يودك يا بن عمي يصافيك=ويفرض عليك من الاخير احترامه


واللي معذربك ترى ما سأل فيك=وده على خدك يشوف العلامه


والعد لو دونه حرام إنْه يسقيك=ويسوقها تطنيش ولى غشامه


ويدعيلك الله يا عسى الله يشفيك=وينثر ملح ع الجرح أبن الفدامه

يعزّ قولة والنعم عند طاريك=جعله هفو طير الفلس والندامه

يا صاحبي والعرف قد صار تسليك=بس مشّ حالك بين ذيب ونعامه


واللي انجرب لاتجيه خوفا ً يعاديك=خلْه إبجربه ألين يبرى عدامه


ارحل وخل الصبر بالصدر يدريك=إلين تلقى بالوجيه ابتسامه
[/poem]

صح لسانك شاعرنا الكبير ابيات معبره ورائعه ، سلمت الايادي وكل عام وانت بخير

الله الله يا عناااد الرواد .... كم كلماتك مميزه
فالماء العذب يستلذ شاربه
ننتظر المزيد من وهج كلماتك

صح لسانك
تسلم الايادى
كل عام وانت بخير

شكرا للجميع