تـووت الشـآم

[poem=font=",6,darkred,normal,normal" bkcolor="transparent" bkimage="" border="double,4,seagreen" type=2 line=1 align=center use=ex num="1,black""]

وجدي وجود اللي على حفة الموت = وقف به اسعافه بزحمة اشاره ..
وللا وجود انسان ما ينطق الصوت = ثم انسبوا له تهمة اعدام جاره ..
وللا وجود الحق فالشام مكبوت = زبن على ( وين العرب ؟ ) واستجاره ..
يا شام توت الشام ما عاده التوت = اليوم توت الشام دم الطهاره ..
دم الذي حلمه حلاوه و بسكوت = واليوم فوق النعش مضروب غاره ..
دم العذارى فيهن العز منحوت = اللي يموتن ما يجن القذاره ..
دم الذي القرآن بصدورهم قوت = اهل الشرف و الدين مسند جداره ..
دم المآذن تشكي الصمت واسكوت = دم الورق ما عاد فيه اصطباره ..
وش تنفع الأوراق لا فوت الفوت = حتى القلم ما طاق يكتب عباره ..
لو هم بني صهيون ما نشره انموت = لاكن عرب والدم واحد قراره ..
يا شام بعض اسماء عزفن على النوت =مثل الأسد لو غرك ايظل فاره ..
ما تنروي يا شام بدموع بيروت = يا شام جوفك ما طفا الدمع ناره ..
صارت عروبتنا سواليف وابشوت = بين الأمم صرنا دعاة الحضاره ..
نطلب سلام اسماك من قادة الحوت = و الذيب يسرح بالغنم في دياره ..
وين الحميه وينه اصحاب جالوت = وين العرب ؟ ما ظل فيهم نعاره !! ..
الله على حال(ن) له الكبد مفتوت = و الريق له كم شهر ذايق مراره ..
يا رب يالمعبود يا سامع الصوت = تقضي على بشار واتهد داره ..
يا رب واغفر للعرب صمت واسكوت = وانصر حماة الدين وارفع شعاره ..
يا شام توت الشام بيعود التوت = بذن الولي يرجع شموخك مناره ..

[/poem]

- الشاعر : حمزهـ الهاشمي