ماقلت لك
ماقلت لك صعبه تفارق عيوني= هذا انت تجفاني وترجع مكانك
ترجع تقول اعشقك حد الجنوني= وانك بدوني مابتسم لك زمانك
ياللي عليك الناس ياما اعذلوني=وقالو كثير من العـلـوم بلسانـك
قالو حبـيبك صــد يمـكن يخوني= ليه ابتـعد ليـه ايـتـنـاسى حنانك
قـالو تكبـر.. وارسمـو بكل لوني=قالو كثير وقـلت ياكبــر شانـك
شفهم على كثر الحكي مابعدوني=ولاحركو شعره في راسي عشانك
لاني اعرفك فوق كل الظنوني=يخسر رهان اعداي يومي رهانك
صافي بحبي مثل وبل المزوني=امـطر في قلبـك وصارت اجنانك
ماقلت لك صعبه تفارق عيوني= دامي معك واوفيت كــله عشـانك
شعر بندر ابو جنيب ( وافي العطا)
ماقلت لك
العرض العادي
