يامكرمين الضيف يامرويين السيف

[align=center]بسم الله الرحمن الرحيم

اليكم هذه الكلمات المتواضعه المعبره عن مشاعر فرد من قبيلة الحويطات

وارجو ان تحوز على رضاكم واستحسانكم فاترككم مع هذه الكلمات[/align]


[poem=font="Simplified Arabic*5*black*normal*normal" bkcolor="transparent" bkimage="" border="none*4*gray" type=0 line=0 align=center use=ex num="0*black"]
[align=center]سلام طيب ود واجلال واكرام= نزيدها ونعيدها بالتراحيب
ونزفها باعداد ماخط الاقلام =ونثني بها لأهل الكرم والمواجيب
ربعي حويطات كما الحر لا حام= والحر شفه عاليات المراقيب
اخوان اخو عليا وبالعز قدام=والسيف حلال الامور المصاعيب
بالحرب شجعان وللضد لطام =رده ترد الحق يوم المضاريب
اهل الخيول المسرجه وقت الازحام=لا جا نهارٍ فيه طرد المغاليب
بنات ريح وفوقهن حر ضرغام=وسيف يشيل الراس مافيه تثريب
واهل الجهام اللي ترزم ارزام =عوص ٍشحمها من كبار المكاسيب
بنو صروح المجد ببيوت وخيام=من فوق عجلات توفي المطاليب
وللجار وافين ولاحنا بظلام=يبقى معزز جارنا يالمناجيب
وشي يظيمه كلنا منه ننظام=حق علينا نعاونه عونة الطيب
والضيف ناقف له على روس الاقدام=الين ياخذ واجبه يالمعازيب
يامكرمين الضيف جزلات وانعام=يامرويين السيف يوم المضاريب
ديوان عامر فيه كيف ٍوهندام= وخوي جنب من خيار الاصاحيب
ودلال صفر كنهن روس الاعلام=مبهرات فوق جمر اللواهيب
هذا وانا في مدح ربعي فلا انلام=وهذي سلوم اجدادنا طيب من طيب
من غير نقص في القبايل والاقوام=كل له افعاله عن الشك والريب
وصلاة ربي عد هبات الانسام=على النبي ماتطلع الشمس وتغيب[/align][/poem]

[align=center]اخوكم حماد بن عياد الفريجي العميري[/align]