مدري اذا هي صايبه او خايبه ذيك الضنون
والا خطا ساعة فكر والا دقايق هلوسه .
احيان احس اني رفعت احروف في وصع السكون
واحيان احس اني كسرت حروف فوق مقرنسه
واحيان اعذر المستتر واقول بغيابه يمون
واخربط اعرابه خطا واكسر كلام المدرسه
كثير حاولت انفرد في شي من وحي الجنون
لكن دريت انه جنون اللي تمنيت اللبسه
لاصار ماني منزلن وشلون ودي في غضون
ايام اكسر قاعده عند الجميع مأسسه،
وارد واتعب من جديد اقول هونها تهون
لكن لقيت ان وقتنا أصعب زمان واشرسه.
تفسير حلمك واقعك والواقع اشبه مايكون
الخنجر اللي تأمنه ادمى ظهرك ابمغرسه
تتيه منك يمتك تعمى المعالم بالعيون
والضن هوله الظلام اللي تتيه ابخرمسه.
تصبح خطوطك مبهمه متلونه في كل لون
لوحه ولافيها سوى الا مزيج الوسوسه
خطوط ريشة هلوسه ماتنتمي لية فنون
الحس غاب بعمقها ماشي فيها تلمسه.
ضاعت معالم ردتك والصمت كان اكبرسجون
اكبرمن السجن واشد من القيود ومحبسه
تعبت امنيها أمل واحاول اكسبها ليون
لكن ليانة واقعي جلد الحنيش وملمسه
مليت اعدي الموجعه واطوف اسباب الشجون
تعبت اصحي مابقى من حلم واتم احرسه
حاولت والناتج طغى على احتمالات وضنون
لكن عرفت ان الزمن رغم المأسي مدرسه
بس الوكاد ان الضنون تخيب وتصيب وتخون
كم من حضور ايغيبك لو بالوجود اتحسسه .
لكن رغم ما صابني واقول هونها تهون
واستعطف الحظ الردي لعن ابوجده منحسه
هلوسه
العرض الشجري