رساله الي بدر

السلام عليكم

ببساطه ..

رساله من وحده لاخوها

وبمقدمة هالرساله تقول ان ماعندها مانع ان اي احد يقراها

قريتها انا

وبصراحه ..

أثـّرت فيني

هي مو مجرد رساله عاديه من وحده لاخوها

في اشياء كثيره تتضمنها هالرساله .. اذا قريتوها راح تعرفون ليش قلت هالكلام

لا تبخلون بالردود .. ردو وقولو رأيكم بهالرساله

اترككم مع الرساله

...




هذه الرسالة موجهه لبدر – بس ماعندي مانع ان أي أحد يقرأها

اخــــوي بـــــدر:

اكيد عرفتني اصلا ما في احد يراسلك ويقول لك اخوي غيري انا –
بقول لك شي بس لا تزعل
البارح دخلت غرفتك – والغريب ان ما في احد منعني كالعادة


المهم :

رغم انك اخذت أكبر واحسن غرفة في البيت إلا انها صايرة زحمة مرة
تكفى من متى وانت تشتري هالاشرطة ياخوي عمرك 18 وامداك تجمع هالاشرطة
بس ابغى اعرف متى تسمعها --- دائما مشعول ودائما ماعندك وقت


خليني اشوف دولاب الملابس
آه ياقلبي *** هذي ثيابك الجديدة الظاهر امس او قبله طلعتها من الخياط عددها سته – وفيه سته ثياب قديمة تعرف ما فيه فرق بينها القديمة والجديدة زي بعض – طول عمرك (عمرك ؟؟) تهتم بشكلك اهتمام موب طبيعي


ايه ذكرت !!!!!
بـــــدر انت تصلي ؟؟؟

خليني اكمل حوستي في الدولاب - - - واوووووو ايش هذا جزمة جديدة حلوة مرة - - لا مااصدق عيوني معقولة هذا سعرها 2700 ريال اكيد فيه خطأ – اعرف انك اكثرنا دلال بحكم انك الكبير بس مو إلى هذي الدرجة
بــــــدر انت تصلي ؟؟؟؟؟؟

أحلى ما في الغرفة المكتب كبير وررائع لكن اغلب الادراج مقفولة ياترى ايش فيها ؟؟
أول مرة ادري انك تحب الشعر – فواصل المختلف كتب شعر في كل مكان اوراق مكتوب عليها ابيات ماادري من الي كاتبها يمكن انت ؟؟ ماادري
بـــــــــــــــــدر انت تصلي ؟؟؟؟؟؟؟؟؟

نفسي افتح جهاز كمبيوترك بس حتى وانت مو عندي خايفة --- بس ليه الخوف خلاص راح وقته - -
لا لا لا ما راح افتحه اخاف اشوف شي يضايقني
بــــــــــــــــــــدر انت تصلي ؟؟؟؟؟؟؟؟؟؟

ايه نسيت اقول لك
بعد ما طلع الطبيب من عند امي جاء الشيخ عشان يقرأ عليها سألته
قلت يا شيخ بدر مكلف ويحاسب ؟؟ قال ايه
بـــــــــــــــــدر انت تصلي ؟؟؟؟؟؟؟؟؟؟؟

آه - - - ياويل قلبي منك وش ذا يا بدر ليتني ما فتحت هذا الدرج هذي السجادة الي وزعتها امي على الغرف من سنه سجادتك جديدة في كيسها - - - معقولة تصلي على الأرض - - - بس رخام كيف ؟؟؟ يمكن


اقول لك شي
اليوم زاد عدد الامهات الي يكرهون طريق الملك فهد
بـــــــــــدر انت تصلـــــي ؟؟؟؟؟؟؟؟؟؟؟؟
ليه ماترد سألتك هذا السؤال عشر مرات رد !!
قل ايه - - - ولا قل - - -
لا الله يخليك ( يخليك ؟؟ ) لا تقول الثانية ترا ببكي بدل الدمع دم
الشيخ يقول مكلف قلت ياشيخ بدر صغير قال 18 مهوب صغير ابد


بــــدر
رغم هواشنا مع بعض ليل ونهار إلا انك تعرف انك اهم واحد في حياتي يمكن اكثر من امي وابوي يمكن عشانك كبري يمكن !!
نسيت يوم تاخذ جوالي وتضحك علي وتقول اول مرة اعرف ان اسم بدر يبدأ بحرف A - - - قلت لك عشان تصير الأول
ادري ان عينك دمعت والدليل انك ما كملت جلستك معنا وقمت على طول انت مثلي ومثل ابوي دمعتك قريبة
حتى رقمك خليت له نغمة خاصة اعرف - - - اعرف ما عاد ابسمعها
بس وش يصبرني ان سمعتها مع الناس - - -


كل هذا ما يهم الآن - - -
بــــــــــدر انت تصلي ؟؟؟؟؟؟؟؟؟؟؟؟؟؟؟أعرف ما راح ترد على ايميلي وماراح تفتحه ومارح تقراها وبيضل على طول في الرسائل الجديدة - -
فمن متى كانوا ((( ما طاوعني قلبي اكتبها ))) يردون .


أختك

2/6/ 1421 هـ