شفت الغبينه والعجب والغرايب

شفت الغبينه والعجب والغرايب
.....................................
بعض القرايب ؟ ليـت ماهـم قـرايب
.............. وـيـــاليتهـــــم عنـّــا مــن اول بـعيــديـــــــــن
مـاكان شـفنا من بعضهـم غـلايب
............. ولا كـــوتـنـــا نـــار الاقـــــــــراب يا حســــين
ازوال واجـد بيـن شـبً وشــايـب
............. ميــــــــر الهقـــــــــــاوي يا خســاره تخـامين
اثـر الـردا يا حسين مابـه طبايـب...
............ عـــــــــــدواه تســــطـي باللـحم والشــــــراييــن
اللـي بحـزات المـواجيـب غــايـب
..............وطنش مشـــــــــاريه العــــرب والقــوانيــــن
وش ينبغـابه ذاك وقـت النشـايب
............. اللاش مـابـــه نـــــــــادره تـطــــرب العيــــن
للغـانمـه مــاهو امــودي وجـايـب
............ مــيّت ولـــوهــــو حــي فــي وســـط حـــييـن
نبـغي فـراقـه مـا نبيـله كسـايـب
............ بُعــــــــده ولا قـــــربه عسى فالــه الشـــيـن
ليا صــار مالـه بالمــراجل رغـايـب
............ وش عــــــــــــايشـله مــــيّـت النـار للحيـن
مـاهـو مـن اللي يتعبـون الركـايب
............ بالـلازمـه ياتــون لــــو هــــم بـعيــــــــديـــن
الخـايـب اللـي مـن مبـاديه خايـب
............ يظــــل خــايــــب ليــنــه يـواســـــد الطيــــن
قـرب القبـور اللي عليهـا النصـايب
............ اخيـر مـــن قـــــرب العفـــــون الـــرديـيــن
الطيب قسـمه والمـراجل وهـايـب
........... وليـــّا تــــــــــردا الحــــظ خـــل المـــــــوازيــن
شفت الغبينـه والعجب والغـرايـب
.......... شــــــفت الحســــد بعـيون ربـعً حقــــوديـن
حيث الغشامه من كبار المصايـب
......... ونقص العقــــل ينتــج عنـه نقص بالديـن
ولا اقـول انـا قــولً بـليـا ســبايــب
..........حــــــدوني اخــتــــــوش العـــرب والمساكين
ومن لانفعنـا بالـوغـا والنشـايـب
........هــذاك يحســــب مــن احســــــاب النســـاوين

محمد بن سوعان الربيّع

اخوى الصيرمى
تسلم الاياااااااااادى

السلام عليكم ورحمة الله وبركاته

هذه القصيده الرائعه والتي تحتوي على رائحة الشهامه ومبداء الرجوله لدى العرب

بسياق حماسي مبدع ، وكأنها نخوه للأقارب وأبناء العمومه للتآزر والتعاون على الخير والفزعه لحضة البحث عن صديق

انا اعتبر كل بيت في هذه القصيده حكمه ، لما تمتلكه ابياتها من صور رائعه بقوالب شعريه جديده وهنا الابداع

بكل صدق لم يتكلف الشاعر في توظيف الكلمات في موقعها الحقيقي بل انسابت كلماتها وقد وفق الشاعر بتكوين هذه الباذخه التي قدمت الينا تتبختر باجمل المعاني وعمق التكوين

اظلم القصيده لو اخترت بيت عن الآخر فقد قرأت قصيده متناسقه كل بيت يكمل الاخر وهنا ابداع اخر

لك كل الود شاعرنا الصيرمي وسوف ننتظر بوحك القادم فلا تبخل به وابقى بخير .........

يعطيك العافيه اخوي ع الطرح الراااااقي ..

صدقت اخي
صح لسانك و علا شانك