يا ماشطة سيف البحر بامواجك

إي والله انكـ للشعر خمّاره
والنادله والعازفه لاوتاره

يا ماشطة سيف البحر بامواجكـ
هاتي الصدف واللول والمحّاره

واعطيج من شعري مساحة أحرف
وطريق مقفوله عن المرّاره

يا ذايبه قبل امكعّبات السكر
يا بلّ ريق المبتعد مشواره

يصفى مرايا تعكسين الصوره
ويا كل غرفة حبّ في اسفاره

يا فلسفة مكياج هالتسريحه
ويا قصّة الميكبّ والمبخاره

يا آخر اللقطه ويا أوّلها
ويا قمة الاغواء والايثاره

كنا مجرد اغبياء اللعبه
واليوم اتقنا الهوى وادواره

كني إلى اشملت قاطع حايل
طرت عليّه ظبية القطّاره

من هو يشق الغيم غير بروقك؟
لا سلهمت عينك من المسكاره

هذا جديدي قبل تبدا الرحله
وشلون لو هي طارت الطياره

يا كل رومنسي بدنيا اورودي
والورد رومنسيته بازهاره