قصة البيت المشهور الولد من طيب خاله

قصة البيت المشهور . طيب الولد من طيب خاله

صبحكم / و مساكم الله بالخير جميع

اعجبتني فنقلتها لكم*


قصة وقصيدة البيت الشهير

الولد وان طـاب طيبـه مـن خوالـه
----------------- بـالـخـوال يــســال قــبــل الـوالـديـنـي

كثير منا يعرف*هالبيت*او يعرف القصيده كلها واليوم بقولكم القصيده مع القصه وهي تحكي عن العلم الطيب والفزعه

وهي للشاعر / راشد بن حسن بن مانع بن رحيان الضاعني الملقب بــ ( ابن الذيب )*

و كان الشاعر*راشد*يشتغل في شركة ارامكوا السعوديه وكان معه سياره من سياراة الشركه جمس صالون

وكان كل ما شاف له رجلي والا طرقي على الخط يبي احد يوصله يقوم ويوصله بدون مقابل على سيارة الشركه و كان قليل من الناس من يملك سياره بذلك الوقت

لين اشتهر عند البدو و اهل القرى لا جا احد يبي يروح مكان ولا عنده مطيه والا سياره*
يمشي في طريقه ويقول عسا يلقاني (*ابن*الذيب*) على الطريق والا انا القاه*
ويشيلني ويوديني للمكان اللي انا ابيه*

حتى قاموا الناس يطرونه ويحكون فيه وهم لا يعرفونه ولا قد شافوه*
جاء يوم من الايام الا*عجوز*ومعها غنم شويات تعد على الاصابع و*راشد*بن حسن كان مشغول ومتأخر على الدوام ذاك اليوم*
شاف*العجوز*وشاف معها غنم تعداها*
و بعدين حزت في خاطره واستحى وراعي الطيب ما يجوز عن طيبه وقف السياره ورجع*للعجوز

يوم جاها قالها :*يا*مره*انا*ابشيلك*وبوديك*المحل*اللي*تبينه*لكن*بد ون*غنمك*انا*متأخر*على*الدوام*واخاف*غنمك*زياده*

قالت له :العجوز خلاص روح الله يستر عليك يا ولدي*
انا جالسه هنا انتظر ابن الذيب*
هو اللي بيجيب العلم وبيوصلني المكان اللي انا ابيه انا وغنمي وهي ما تعرفه ولا تدري انه ( ابن الذيب ) هو نفسه اللي هي تكلمه*
ويوم سمع كلامها انصدم ابن الذيب ( راشد بن حسن ) من الكلام الى قالته*

قال اركبي يا خاله انا ( ابن الذيب ) وابشري بعزك*
ابوصلك انتي وغنمك*

وكانت انظمة ارامكو تمنع السواقين انهم يشيلو الرجليه اللي يوقفون السواقين على طريقهم وصل العجوز وغنمها

وصل علم للشركه باللى سواه (*راشد) وهددوه بالفصل من الشركه اكثر من مره وبعض رؤساءه يأسوا وهم يحاولون معه انه يترك هالطبع واعجبتهم شهامته*

وبعد ما وصل هالعجوز وجاهـ الى جاه قال هالقصيده*


قالهـا ابـن الذيـب مـن هاجـوس بالـه
-------------- كلـمـةٍ يـلـعـب بـهــا والـبــال زيـنـي
قـالـهــا يــومــه طــرالــه مـاطــرالــه
-------------- مـن هواجـيـسٍ تشـيـب المرضعيـنـي
حـالـفٍ مـاخـذ عـلـى الطـرقـي ريـالـه
-------------- وبـالـثـلاث مـحــرم أنــــه مايـجـيـنـي
لالقيـت اللـي علـى ( السكـه ) لحالـه
-------------- يلـتـفـت ويـقــول ويـــن المستحـيـنـي
أوقـف المـوتـر حـيـا وأبــي الجمـالـه
--------------- يــوم ولــد الــلاش وجـهــه مايلـيـنـي
الطـمـع فــي كــروة الرجـلـي رذالـــة
-------------- خـص وان جـابـه مـجـال الغانميـنـي
والــردي فــي حـالـةٍ مـاهــي بـحـالـه
-------------- ياعـويـنــه مــــن كــــلام الطيـبـيـنـي
الـــردي لـــو بـــان مـايـذكـر عـمـالـه
-------------- مـايـعـد الـــلاش مـقـصـور اليمـيـنـي
أركـبــه لـعـيـون مـــن زيـــنٍ دلالــــه
--------------- ماتـحـاكـوا فـــي قـفــاه الرامـسـيـنـي
مابـغـى غـيـري وانــا مابـغـى بـدالـه
--------------- قـاعــدٍ لـــي بـالـرجـا مـــدة سنـيـنـي
الولد وان طـاب طيبـه مـن خوالـه
--------------- بـالـخـوال يــســال قــبــل الـوالـديـنـي
أشـــرب الفـنـجـال واكــــب الـبـيـالـة
-------------- تــابــعٍ سـلـمــي ســلــوم الأولـيــنــي
ولاقـعـدنــا بـالـعـمـل بــنــا الــرزالـــة
--------------- نـاخــذ العـلـيـا طــريــق الفـايـزيـنـي
غـرنـي بـعـض الـرجـال بكـثـر مـالــه
--------------- مادرى ان المـوت فـي حبـل الوتينـي
كيـف ينفعنـي وبعض الناس خـالـه
-------------- مايـقـوم البـيـت دام الـسـاس طـيـنـي
مـاش ويــن الـلـي عـوايـده الجمـالـة
-------------- مثـل ابـن ظافـر حـمـد ليـتـه يجيـنـي
الـثـنـا والـجــود دايـــم فـــي خـيـالــه
--------------- عـلـمــه ظــافــر ســلــوم الطـيـبـيـنـي
جـــــوّد الـعـلـيــا ولـزمّــهــا عـيــالــه
-------------- وادركــوا مــن علمـتـه دنـيـا وديـنـي
واهنـي مـن بـاع حظـه واشتـرى لــه
--------------- وسار في درب النبي وأخزى اللعيني
مـوقــفــه مــاكـــل رجــــــال يــنــالــه
---------------- مــن بـغـى مـمـشـاه يـقـعـد مرتـيـنـي
كـم ذبـح مـن حـايـلٍ مــن حــر مـالـه
-------------- وعـادتـه لـطـمـة خـشــوم العايلـيـنـي

***

صح لسانك وبارك الله فيك

شكرا ع ايراد القصه والقصيده المشهوره