{{{ حويط حنا الواضحين العريبين }}}

[frame="9 98"]

~~~{{{ حويط حنا }}}~~~

حويط حنا الواضحين العريبين ~ سطر لنا التاريخ طولات الايمان !!

متوارثين المجد حين(ن) بثر حين ~ بدو(ن) على وضح النقا فعلنا بان !!

حنا من الجماز سلايل حسين ~ حكام يثرب من قديمات ال زمان !!

يشهد لنا التاريخ ماضي وذا الحين ~ تبقى لنا طول الدهر رفعة الشان !!

هذي مواطي خيلنا بالميادين ~ ارخت نحرها للوغى تقل شيهان !!

اليا التقى الجمعين بالحيل عطبين ~ نسقي العدو السم من كاس مليان !!

نكزها عالموت بالعزم جسرين ~ ونمنع لمن دور سماحه وغفران !!

حنا مواقفنا مواقف سلاطين ~ نوفي ملازم فخرنا دون نقصان !!

تفرح مجالسنا بكثر الضيافين ~ عجلين بقرانا لهم نذبح الضان !!

حنا نعد وكل م نعد وافين ~ يوم الجزيري ينسب فلان لفلان !!

حويط يرجع بالنسب للشريفين ~ أصل وفصل مافيه شك(ن) ونكران !!

قصة مجي حويط فيها خبيرين ~ صغير يومنه مع القفل مرضان !!

هذا ولا حنا على الظلم ناوين ~ ونقول حنا ياعرب كلنا اخوان !!

بدو وحضر متساويه بالموازين ~ نعم(ن) بعدنان(ن) ونعم(ن) بقحطان !!

للشاعر عبدالله الحويطي

~~~{ ابو فتنه الحويطي }~~~

[/frame]