الكلمه اللي ترفع الشان والراس--اموت واحيا يابو ناصر عليها
ماني من اللي حط الاحلام بكياس-- لونام واصبح ما لقى ويش فيها
الهرج شبة النار والناس محماس--احد ايحمسها واحد جا يشتويها
والنار تحرق واطي النار لا داس--والنار تاكل نار دام اتعطيها
ترى صلاتي هي رصيدي والالماس--وان مت عزالله لزوم اعتزيها
العين حق وتحصن النفس لاباس-- امن الذكاء اعيونهم تتقيها
اوجيه فيها خير واوجيه اتعاس--وبعض الوجيه تغر لين اتغديها
والغبن غبن الصيد لا صرت حساس--مو كل كلمه يالسنافي اتحكيها
والقول دون الفعل مافيه نوماس--ارجال تقضب هالشوارب بديها
والدله اللي ما تقايس بالاقياس--جعل الذي يسقابها يهتنيها
اما يجي الفنجال تعذاه الانفاس--ولا الدلال يظبها ما نبيها
وما يعلم النيه سوى خالق الناس--لوجاتني الزلات قمت احتويها
ولاقسّم العالم الى اخماس واسداس--ادور الطيبين ثم اصطفيها
واجامل العالم ولااصير بلاس--ولاجيب قصه للعرب مفتريها
والراي ماهوحطة اغماس بغماس--الراي شور وهقوتك مهتقيها
الشربه اللي شفتها اتغثرب الكاس--اياك تقربها ولاتشتهييها
اتحطب جروحك ولو بيدك الفاس--آخير من مدّة ردي ترتجيها
وربع الحسد والمصلحه والتملحاس-- ماظن خوتهم ربح مشتريها
الخوه اللي مالها وزن واساس--اياك لا تتعب ولا تحتريها
خلها مشاريهك مشاريه قرناس--ماهيب اي قمه ترى تعتليها
مقعدك في بيتك يجنبك الانجاس--تال الزمن فتنه ولاتروح فيها
ابوك قبلك كثر ما جرب الناس--مل البشر ما عاد حتى يجيها
والذيب ما يصحب قطاوين وابساس--لو ان يمسي الليل ما يقتفيها
ما كل سيفن تحسبه سيف جساس--ترى سيوف الوقت لا تقتنيها
احدن يروح بلبس ويجيك بلباس --والنيه السوده تبي من يبيها
اقولها والله يعلم بالاحساس--نفسي عسى الله لو ازل ايهديها
ماني من اللي حطّ الاحلام بكياس()لونام واصبح ما لقى ويش فيها
رد: ماني من اللي حطّ الاحلام بكياس()لونام واصبح ما لقى ويش فيها
العرض العادي
