[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياصبيح البارحه مانته عقيد الوادي=فيه غيرك روس ياصغر راس في المجموعه
جتني اخبارك على امواج الهوى والرادي=ياعضيد ابوجهل فالخطه الموضوعه
كل رجال بطيب اصله يجي متهادي=والوضيع ان جات للطولات يقصر بوعه
مانت كفوا لبنت بدو مثل نجم بادي=لو تمد ايدك لحشمتها تجي مقطوعه
دونها السيف الصقيل اللي يرد الغادي=لاتعزوا ابو ربيع دون بنت ربوعه
غرك اللي نصبك وانته خبيث مرادي=اجتمعتوا فالهدف واخباركم مسموعه
تحسبنك سرت كبتن في فريق النادي=وانت ماصبت الهدف يالعمله المصنوعه
مانته بخصمي ليامني قدحت زنادي=خصمي عيال الشيوخ ورايتي مرفوعه
وياعمير ابن وهب نبه على هالشادي =لايجيب الكارثه مثنيه ومربوعه
والعنود اللي لها حشمه وطيب اجدادي=بدويه جدها زاهي بطيب سنوعه
لجلها نحشم وطن طيبه بطيب بلادي=نرتفع لو غلطت الجاهل تجي موجوعه
[/poem]
"الــعـمـلــه المــصـنــوعــه"
العرض المتطور
