قصيدة مزنه في العمدة

قصيدة مزنه في العمدة لما سافر وشاف مزايين لبنان وهجر عجوزه مزنه


تقول مزنه

العمدة خــــــربوه المـــزاييــن
خـــلا الديــــــــار وراح يركـــــــض لـِ لبنان


قــــــام يتصـــبغ كن عـمـــره ثلاثين
‏وشال الضروس وطق له طـــــقم الاســـنان


وراح وشرى له من بــــــدال الوراعين
‏بدال " فرساتشي" و "بيبلوس " و"لوران"


قلت الحيا .. قال الحيا شوفك الشين
مقابلك مــــــــــــــوت و شياطين و جنــان


مسكينه يا مزنه الله يعينك على العمدة لا عاد تخلينه يسافر

يا مزنة خلك عند الغنم و البعارين
.............................. ما لك و مال التسدح في جبل لبنان
يا عسى تدخل في بطنك اليوم سكين
.............................. و افتك منك و اعرس على عود ريحان
عقب النيولوك اشتهرت انا بالزين
......................... و الثوب يا ملا من عند نعومي و عدنان
و الشاصي من الفوشي دهنته بلونين
............................... و ركبته له صفيرة و سفتي وونان
و الموسي جننته من العام تجنين
......................... ضيعت كرته و خليته من الغيظ ورمان



اقول يا دونا اللقافة ما لها داعي . يقطعك ربي انتي و مزنة في يوم واحد

سؤال لاهل تبوك :
انا بكرة طاب البلد ودي اشتري لي هدوم سنعة و سمعت عن نعومي .
ودي اعرف وش علومه و كيف موديلاته

انا صحيح رجال بدوي لكني احب الهدوم السنعة . و اللونطة الطيبة

من منكم يعرف وش هي اللونطة ؟

المشاركة الأصلية كتبت بواسطة حويط الثاني عشر

يا مزنة خلك عند الغنم و البعارين
.............................. ما لك و مال التسدح في جبل لبنان
يا عسى تدخل في بطنك اليوم سكين
.............................. و افتك منك و اعرس على عود ريحان
عقب النيولوك اشتهرت انا بالزين
......................... و الثوب يا ملا من عند نعومي و عدنان
و الشاصي من الفوشي دهنته بلونين
............................... و ركبته له صفيرة و سفتي وونان
و الموسي جننته من العام تجنين
......................... ضيعت كرته و خليته من الغيظ ورمان



اقول يا دونا اللقافة ما لها داعي . يقطعك ربي انتي و مزنة في يوم واحد

سؤال لاهل تبوك :
انا بكرة طاب البلد ودي اشتري لي هدوم سنعة و سمعت عن نعومي .
ودي اعرف وش علومه و كيف موديلاته

انا صحيح رجال بدوي لكني احب الهدوم السنعة . و اللونطة الطيبة

من منكم يعرف وش هي اللونطة ؟

ههههههههه الله يسعدك ياعمدة ويعين مزنه عليك
وبعدين وش دخلني تدعي علي أنا مرسال وبريد غرام بينك وبين عجيزك الغلبانة مزنه لا اكثر يعني اذا عندك هدايا شي مع القصيدة ابشر باللي توصلهم لك




سعداء بطلتك

والله عالم التوفير جيد

وفيه الاوائل مابه شي

وفيه بعد سوق توه فاتح ينقاله الهرم

مشكورره اختي دونا على القصيده الحلوه

الله يرجك نعومي حق بنات وش دخلك انت
موديلاته ماتصلحلك
اللونطة حسافه مااعرفها لواعرفها قلت لك
وبعدين شلون بالبر وتدخل نت لا تقول من الجوال

لا والله يادونا أنا اللي مدري ايش دخلني،

هين ياعمده لي رجعه،

صح لسان مزززززززززنه
والعمده
نعومي مررررررررره وحده يالعمده له له له له

متضامنون معك ،، يالخالة مزنة ،،

وبنوقف معك مع هيئات الدفاع عن حقوق المرأة ،،

اللي ضيعها العمدة ،، الشايب ومن وراه من الـ - - - - ( الله يستر عليهم ) ،،

وإذا العمدة نسي وصية أبيه (الله يرحمه) ،، ترانا حافظينها ومسجلينها موثقة

بمكتابة الكونجرس ،، يعني لا العمدة ولا ربعه يطولون تزييفها أو إنكارها ،،

أبو العمدة ،، وصاه على مزنة ،، وماقدر يخالف الوصية ،، إلا بعد مرور

سنين وأعوام من موت أبوه (الله يرحمه) ،، يوم ظن إن الناس نست الوصية

لكن الحق ما يموت دام وراه مطالب ،،

أذكر من وصية أبو العمدة الأبيات التالية :

*************************************************

الله يرضى عليك يا إبني ***** ظهري انكسر والهم ذوبني

خذ مزنة ، بنت ديرتنــا ***** ترتاح مـعـهـا وما تـتـعـبـني

بنت لبنان ياحويط ،،، بدها خدام ***** إلا على ريش نعام ما بتنام

مزنه يا حويط ،، لو دارت بك الأيام ***** تعيش معك على الإقط والجبني

هاذي وصيتي ياحويط وإياك ثم إياك ***** تهين مزنة ، وأنا بقبري تخيبني

*************************************************

أنشدها حويط الحادي عشر ،،، وكتبها عنه المؤرخون ورواة القصيد

والعهدة على الراوي،،،

تحياتي

للخالة مزنة ،، والمتضامنين معها

المهندس/ أبو ياسر

يا باشمهندس منين جبت هالقصيدة انا مني ناقصك ؟
لكن ابشر بالرد يا نصير العجايز :

من العمدة للمهندس تحية و سلام
.................................... الله يرحم مزنة و ايامها يا ابن الكرام
موديلها قديم يا عساها للعدام
.................................... و انا ودي ببنت فل اوبشن و السلام
انا شايب احب الهيصة و الزحام
.............................. و شوف الطبيعة و اغاني البنية احلام
و انت يا صاحبي خلك نايم مع النيام
.............................. و خلني مع الشيخ الشمراني و العلم قدام
عنده من بنات المسيار اكوام اكوام
................................... ودي انقي على ذوقي ثلاثة و السلام



بلغ ابو عبد الله و الاستاذ محمد و جميع الشياب ان الشيخ جاهز و عنده بنات مسيار و اللي يبغى يتجوز منكم يعلمني - و بلغوا المهندس اسامة العروس جاهزة
- مطلوب شيبان فقط -
الشباب يقلبوا وجوههم .
ما لهم كرت معنا

صح لسانكم جميع

ياخوك ابوعبدالله معين خير
من جميع النواحي
الشقا والبقا عليكم انتم الي ماعندكم الا الحكي
وتري الشيخ الشمراني لحية غانمه وانا شايفك تقرب منه وتفرصله اللحم وتقدمه له
مادري وش عندك معه والله الله على الرجاله
وتري ما يعقلها الا شايب
تحياتي للجميع

له له

يا العمده وراك شايل حمله على الشباب

يابن الحلاال الدنياء من سعه وكلاً بياخذ نصيبه،

لكن زحفتك على اخر هالعمر مدري وين نصرفها


تحياتي

طب الجبيهه شاف له صاحب زين

وصار يتونس كل ليله بعمان

وعجيزه عند الغنم والبعارين

وهوبليله دايم الدوم سهران

خلك تونس تالي العمر يومين

من يمنعك لاصرت ضايق وطفشان


تقبل مروري يالعمده