كـلـ(ن) تغير مـعدنه

السلام عليكم ورحمة الله وبركاته



ما يشبهون لبعضهم يا صاحبي فيه اخــــتلاف

اللي نوى خير وعمل واللي نوى شر وعمـــل

الخير واجد لو نبي والشر فالعتمه يشـــاف

لو يختفي ما يختفي إلا على واحــد جــهل

اليوم لو نزرع امل.. بكرا نبي جني القطاف

ننسى مشاركنا الفرح نذكر مشاركنا الزعل

اللي يموت من الغرق لو عاش ما اختار الجفاف

تناقض الرغبه قدر مــــحدٍ يخطـــط للفشـــل

اسهل نصدق كذبنا ونشوف خلق الله نظاف

صعبه نصدق حلمنا لو حلمنا صدفه حصـــل

نضحك على كثر التعب ما نعتبر من شي طاف

في كثر ما نلقى فرح يا كثر ما مات الأمل

وين الصديق من العدو اشباه والنيه ضـــفاف

وين القلوب الطاهره اللي تبادلنا الوصــل

ما هو قوي اللي قدر يضحك على قلوب الضعاف

دام الهوى ضعف البشر ما سمي الخاين بطل

فعيوننا شيٍ غريب نظرات ما فيها اعــــتراف

كلٍ تغير معدنه من قـــــــسوته محدٍ خــجل

لو قلتلي يا صاحبي.. يا صاحبي فيه اختلاف

طبعاً ترى حنا بشرما فينا واحد اكتــــمل



منقوله
اتمنى تعجبكم

"حنان"

طابن نقلك وصح لسآن الشآعر ...

نضحك على كثر التعب ما نعتبر من شي طاف

في كثر ما نلقى فرح يا كثر ما مات الأمل

بيت رائع ...


آنتقآء رائع اهنيئك على هذا الذوق .,’


دمتم بود.,’

ما هو قوي اللي قدر يضحك على قلوب الضعاف

دام الهوى ضعف البشر ما سمي الخاين بطل


شكـــــــــــــــــــــــرا

قصيده جميله ونقل رائع