[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قررت إقاطع ناس طبعه تصانيف=نوبٍ تعمل الطيب ونوبٍ عفوني
عنهم ترون أعلنت تركٍ وتعزيف=وما أطب مجلسهم ولو يغصبوني
لا صار مصلوحٍ غدوا لك مواليف=وعلى المراجل بساعةٍ يقدروني
ناسٍ غدى طيبه كذوبٍ وتزييف=وكل يوم وجهه غاديٍ له بلوني
عفون الرجال قليلين المصاريف=وفي حزّة اللازم ضعاف المتوني
وياعل عمره للوزى والقواصيف=اللي الردى في داخله له فنوني
بشين الخواطر وجهها يكره الضيف=ولامن لفاهم جاه ذلٍ وهوني
ومن البشاشه خاليين ونواشيف=وتأتي قلوب اللي يجيهم ضنوني
من زارهم بانت عليه التعاييف=ولوتيهم دب الدهر ينكلوني
وياعل ماهم هالرجال المشاريف=كرام الوجيه مكبرين الصحوني
فتخان الأيدي وللمسير غذوا ريف=اللي صخاهم ماغدى به منوني
أهل الصياني والصحون المذاريف=ملفى النشاما ودايمٍ يكرموني
مثل الزهر اللي يلقّط بتقطيف=ياغلوهم وأحطهم في عيوني
الرجال للي يحترمهم مواليف=ولاصار طيّب بمجلسه يحضروني
والطيب مايأتي بليا مصاريف=لازم بدفعٍ للدراهم يكوني
الطيّب اللي مايحسب التكاليف=لوكان ماله راتبٍ بس شوني
لوإن وضعه يصخف القلب تصخيف=لاجاء مجال الطيب عنده يهوني
والعفون ماله يذرف البنك تذريف=لاشك عن فعل الكرم يعجزوني
الرجال تبغى العز وطبعه معاليف=وكثر السوالف ماتفيد البطوني
أبي الرجال الطيبين المواليف=نوب إجيهم ونوب عندي يجوني
هذي حلاة العمر ضحكه وتكييف=ونبي الوناسه قبل نصبح دفوني[/poem]
المواضيع المتشابهه
قصيده أعجبتني وإن شاء الله تعجبكم
العرض المتطور
