[poem=font=",6,darkblue,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
الشعر عود ٍ يشتكي عقب ماشاخ=يشكي حياته عقب موت المطانيخ
شفته على جنبه وبرجوله صياخ=صيخ ٍ وسط رجله وبالثانيه صيخ
يجر آه ويتبع الـ آه بالآخ=واقول من قلبي سلامات ياشيخ
مسكين ذاق من العنا لين ماداخ=من عقب ماهو للحضارات تاريخ
امن اول ٍ يركب (فيراري وميباخ)=وله موقع ٍ من فوق روس الشواميخ
واليوم صارت قيمته عقب ماباخ=قيمة بضاعه وسط سوق الصواريخ
من يطلب الشهره من صغار وفراخ=جاه ويقول اليا مسك بالرسن إيخ
ثم ٍ تورّك وانتشى عقب ماناخ=ولطخ بعدها سمعة العود تلطيخ
الطيب ورث ٍ يورثه خال لبناخ=ومواقف ٍ تبقى برقم وتواريخ
والي يصيبه ساعة اللازم صماخ=لابد مايسمع من الناس توبيخ
والشعر ماينفخ ردي ٍ بمنفاخ=ولاقدم الهربيد والهيس والضيخ
الشعر كلمه ماهو هياط وصراخ=إما دوى ولاتجي سم زرنيخ
[/poem]
فهد المشهوري الحويطي
سلامات ياشيـــخ
العرض المتطور
