كل الشعوب اتعيش دعوات هدّامه
تحت شعار العولمه والمسونيه
اكبر مسوني شخص عايش بدوّامه
وكل يوم يطلع لك بشاشة فضائيه
ما بين حلم ٍ فات وقشور شمّامه
وما بين سندان الامل والعبوديه
يقول امّتنا تبي لبس كمّامه
وريحة عربنا صايره حيل رجعيه
لوّ الطفوله كلها اتموت قدّامه
اهم شي يعيش عيشه حضاريه
والمشكله فالجتمع صار علّامه
ومألفاته سم بفكار غربيه
اكبر طموحه بنت ما هيب جزّامه
ويقول حنا بعصر مرأه وحريه
يطلق عباراته الى دشّ حمّامه
ويرسم حلم أُمّه بلحظه ....
حط المبادي والمعاني بفرّامه
ونادي بظلم الواسطه والانانيه
شرّع دساتيره بلا نفس لوّامه
وخلا الحياه اتصير آفه حقيقيه
كل ما نضج أكثر له افروخ عوّامه
وفي كل ديره له لصوص وحراميه
يطرد ورى الدنيا والعزوم نهّامه
واذا ضرب يضربك ضربه حديديه
كنه قطار الموت لا شفت صدّامه
ويقول ما به فرق كلنا سواسيه
كل صفقة ٍ منّه على الوجه لطّامه
يذبح شعوب الضاد ويقول قوميه
والحل (عندي) دام الافكار همّامه !
هاجر ورى احلامك اللآاراديه
يلي تبي تجني على شعوب عزّامه
السالفه تحتاج اكثر اهميه
يمكن تعيش الحلم وتفك صمّامه
او ينفجر بك والنهايه بطوليه !
دعوات هدّامه
العرض المتطور
