وحشني غيابك والمواجع طوال اعراض
وهذي سنة الفين وعشره تبي تطنيش
انا عارفك هاذي السنه متعدد الاغراض
تكابر ولا تشره على مصطلح معليش
على قد ما فوّت يمعدي المركاض
مزاين همومك تكتسحني وكانت بيش؟
ترى خبط عشوى لا تجامل ولا تغتاض
واذا بيننا عيش وملح لا تخون العيش
بقايا حطام انسان من اسفل الانقاض
جمعه الزمان وحط في راسه التشويش
ومات الزهر من بيننا والرياض ارياض
وطاوعت رايك ليش؟ مدري بذمْتك ليش
يعمي على مهلك نزف دمعي الفيّاض
تمنيت تسعفني تقفيتني بالخيش
هلا ياوحش يلي جناحك تقل مقراض
يبوقطاب لاتروبج عقب ما نسرت الريش
زمانك اهانك والحصانه لها اعراض
ترخم قطاميها وصار الحصان اكديش
عسى الله يعافينا من الشك والامراض
وهذي السنه خلها تعدي مع التطنيش
متعدد الاغراض
العرض المتطور
