الرجال قوّامون على النساء

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
فينا قضية رعب والرعب كابوس=رعب المرى وارهابها يا نشامه
عندي من الواقع حكايات ودروس=من رجل حر و وسط بيته نعامه
ميمون لا والله على صوص دقوس=ديكور رجل وينتسب للزعامه
يعني اذا خاب الرجا صار متعوس=اصحون هالمطبخ وكيس القمامه
ارجالنا صاروا خرافين وتيوس=و وظيفة التلقيح اكبر علامه
وبخصوص هالحرمه ترى اشبع بها بوس=لا يغرك البرّاق وسط الجهامه
عداك كل العيب لاتناطح الروس= اص يا رجل مالك ومال الشهامه
ترى الردى عار ٍ على كل منحوس=وعقب الردي ياثوير ما من ملامه
ما قلت لك ريّس ولا قلت مريوس=لازم تعرف ان للرجال القوامه
اقلّها ضيفك تورييه محسوس=عيبا ً تخبا دايما ً يالفدامه
يخاف تحرمه المرى بعض الفلوس=وامن المغيرب تربطه بالبجامه
وتطحن له السمسم وتزرع له السوس=وتجني على عمره وتخرْب نظامه
واليا تفلسف تحلق الشارب ابموس=تنهزرت به كن ماله كرامه
كرامته تمسح بها الارض واتدوس=يدنق آذانه وينسى مقامه
يبش في وجه ٍ به الحقد متروس=وده يزل فيك ابهبات الرخامه
فيه العقد انواع والحال ميئوس=كنه على باب الزرايب اردامه
اليا سمعني يبلع الريق محروس=خايف اكدر عيشته مع حلامه

[/poem]

عناد الرواد

يعطيك مليون عافية على هالنص الواقعي الجميل

وفعلا هذا حال بعض الرجال اليوم

برى محد يسلم من شره وفي البيت يليت هو يسلم من زوجته

والله مشكلة إذا الرجل سمح للمرأة تسيطر عليه

وهذا مو معناته انه لازم يعامل زوجته بقسوة عشان يصير رجال

بس كل شي له حدوووود


تحياتي لك



أختك
بحة الشوق

اعتقد المسأله ميزان اختي بحة الشوق

بس ما هو يعني طمس شخصية الرجل

هذا ما نقصد للاسف واقع ملموس

دمتي وسلمتي

صح لسانك شاعرنا عناد

التفاهم مطلوب بين الزوج والزوجه أما انها تربطه بالبجامه من المغيربيه هههههه

أما الشوارب الخظر صارت شي طبيعي

سعود

اضحكتني بيّض الله وجهك على المرور

لا هنت يالشامان

(وسيع الطعنة)

صح لسانك مليون ولا يسدون

قصيدة جزله تحاكي واقعنا المرير

أقف امامها عاجزة .. فيكفي انها تبوح عن مشاهد.. احمد الله انها نادرة جداً في محيطي!!

صح احساسك فحسب

كبير ياعناد

حبيبه بشرتيني

واحمد الله على انها نادره

ثانكس