قصيده الظفيري ,, يرثي بها أمه

قصيدة الام للشاعر الكويتي

نصار الظفيري
[rams]http://up.9q9q.net/up/index.php?f=ZyWefCoNL[/rams]


يــايــمــه منــتــهي جيـــتك وطـــالب منك الغـفران

اقـــبّــــل قـــاعة اقـــدامـــك واغــسلها بــدمـعاتي

يــأيـمــه كــل مـافــيـنــي ينــادي لـك انــــا نـدمان

طلبتك .. قولي سامحتك وردي لوجـهي بســـماتي

انا ادري قلبك الطـيب كسـرته بصــــدمة الـنكران

غــلطــت وغـلطـــتي هــذي تعـيّـر كــل غـلـــطاتي

اشوف الشيب يايـمه تــرى مــاجاء وانـــا فرحان

وربـــي الــي رفـــع ذاتــك ونـــزل للـــــردى ذاتي

فقدت الراحة من بعدك فـقـدت الـطيبة والـــتحنان

بــدونــك راحــتــي غـاية بيـديــنك هــذي راحــاتي

انا بــعــدك ولا حــاجــة انــا بعــدك تـرى عـميان

اشـــوف ولا اشــوف الــي يــوريــني مـــسـاراتي

انا وسيد الشقى والهم من بعدك غــديـنـا اخــــوان

يـجيـب هـموم هــالـعـالـم ويــرمــيـها بـمـتـاهــاتي

صـدقـتي يــوم قـلـتـي لـي تـديـن الـيـوم بس تندان

رمــيـتـك فـي بــدايـــاتــي ورمـــوني في نهايــاتي

انـا مـن شـالـك بـأيـده ورمـاك بـأسـفـل الـبركـتان

نـخيـتـني وطـــلـبتـيني ولا حـصـلــتــي نـخـواتــــي

مـثـل مـاهـنـتـي بـعـيـونــي عـلـيـهم قلبي يمه هان

رمـونـي ومـابـهـم فـزعـة وانـا الـدمـعات فزعاتي

يايمه لاتـظتنيـني انـا مـــن تـعــلـهــم زعــــــــلان

ســـواد فــيــك ســويـتـه وســوو فــينـي ســــواتي

يــأيـمــه يــالله ضـمـيـنـي ودفيني بذرى الاحضان

انــا ادري فــيـك مـشــتـاقــه وهــمك بس ملاقاتي

يــأيــمـه حــيــل ضــمـيـني ابـي ارتـاح انـا تعبان

تعــبت اهــرب مـن ذنوبي ابي ارتــــاح بمسافاتي

ابــي اسـمع منـك اي كلمة لصوتك مسمعي ولهان

ابسمــع يــمــه وبصــوتك ابــاذكــرفـــيها نشواتي

اشــــوفــك ســاكــته يـمه ! غفيتي والا انا غلطان

غــفـيـتـي يابعـــد عمري .. تعبتي من مواساتي ؟

يــأيـمــه طــالــبـك قــومـي يـنـادنــي عيونك شان

اشــوف الـمـوت بعـيـونـك عـساها تصير هقواتي

تــعـالــو يـابـشــر شــوفـــو انـا محــتـار انا تلـفان

انـا امـي مـدري وش فــيها انـا مـــدري انا احاتي

شــنـو امــي انـا مـاتـت !؟ لا لا لا تـرى غـــلطان

انـا امــي مــاتـخـلـيـني عــلــى حــزنــي وونـــاتي

انـا امــي قــلـبــها طـيــب ولا يمـكن تبــكي انسان

انـــا امـــي مــاتـبــكــيـنـي ولا تـتـمنى آهـــــــاتـي

يــأيــمـه صـــح مــامــتـي صح الموت توماحان

اذا مــتـــي انـــا بــعــدك ابـقـضــي وين ساعاتي؟

يــأيــمــه قــومــي يـايمه وقولي الموت مهما كان

انــا جـيـتـك وانــا نــاوي ابــمــشـي فــيــك جـناتي

تــركــتـيـنـي ومــتـي لــيه ؟ تركتيني وانا ضميان

ولا مـسـمـوح يــاولـيـدي ولا اخـذ عـنـك زعـلاتي

انا جاني وانا المجني وانا المخطي وانـا الـنــدمان

وانــا ديـنـــي رمــيـتــــه تــيـــه وبـعـثـرته ملـفاتي

وجيت من الهاء مفلس وقلبي من الضنى خسران

تـــركــــتـيـنــي عــلــى نـــاري اعـدد فـيك زلاتـــي

ولانـــي مـــرضــي ربـي ولانــي تـابــع الشيطان

انـــا بـعـدك تـــرى مــابـين نــهــأيــــاتي وبدايـاتي

يــأيــمـــه مـنــتهي جيــــتك وكلي مرتجي غفران

وشفت الناس تـلــــعــنـي وتحــذرنـي مــن الاتـــي


تحياتي لكم

أخوكم بعيد الهقاوي

قصيدة معبرة و جزلة
شكرا لنقلها اخي بعيد الهقاوي

قصيده رائعه اخي بعيد الهقاوي يعطيك العافيه على النقل



ودمتم

صح لسان الشاعر صباح الظفيري .

مرثية رائعة بكلماته ومعانيها .

شكرا لك أخي بعيد الهقاوي .

صح لسان الشاعر صباح الظفيري .

مرثية رائعة



مشكور اخوي بعيد الهقاااوي على النقل

الأتي الأخير مرورك عطر صفحاتنا,,,

إحساس شاعر مرورك يبري العله,,,

السلطان مرورك نور الصفحه,,,

الذيباني مرورك أثلج على صدري,,,

مرثيه رائعه من شاعر رائع

شكراً لك على انقل

قرناس مرورك عطر صفحاتنا ,,,,