قصيده جدا جميله كتبتها معلمه كويتيه تدعى ساره بعدما شاهدت الرجل الذي كانت تحبه وافترقا منذ عشر سنوات وقد جاء لتسجيل ابنته في المدرسه التي كانت ساره تعمل معلمه فيها .. تقول ساره وقد بدأت قصيدتها متوجهةً فيها الي صديقة لها تدعى نوره ..
تقــــــــــول ..
[poem=font=",6,,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يانوره ان قلت اسمعي لاتصدين=يابنت حر ٍ مركزه بالصداره
شي ٍ جرالي قسّم القلب قسمين=وابلا ملامه إفهمي هالعباره
باول دوام المدرسه يوم الاثنين=معلمه في وجه باب الإدراه
وقّفّت باللجنه على (سادس) اثنين=مثل المجند ينتظر للإشاره
هذي تنادي وذي يا أبله أنا وين ؟=زحمه وتوّ اليوم باول نهاره
أصوّت ال ثنتين وبيديّ ثنتين=نوره مضاوي عايشه ميّ ياره
وسمعت صوتٍ رجّع القلب لسنين=صوت الذي إسمه بنقش السواره
إختي ( عن اذنك ) ناقل البنت هالحين=تفضلي الأوراق والإستماره
عجزت لا اجاوب ولا أرمش العين=طوّل سكوتي وهوّ طال انتظاره
حسيت إن الدم مثل البراكين=شريان قلبي وصل حد انفجاره
ورفعت راسي وصارت العين بالعين=ولمحت في عينه سواة الشراره
هو هو؟ ولا واهمه يامسلمين ؟=زوله ورفعة حاجبه مع سماره
لا ماتغير فيه ياكود شييـن=حف الشّنب والشيب زاد بوقاره
أتلا علاقتنا ثلاثه وتسعين=باول حلاة العمر قبل انكساره
الشاهد الله ماحصل بيننا شين=ولايخدش احساس البنات وعذاره
نعم الحبيب الطيّب الليّن الزين=ونعم الرفيق الي حفظ حق جاره
ياوجه ابوي الوجه مرحب وسهلين=لايابعد روح ومعاليق ساره
ودي إلمه ودي إصيح بس وين=مثل الكسير الي نشب وسط غاره
مايستطيع المشي من دون رجلين=وحوله جنود ٍ تشتهر بالشطاره
ياللأسف هالحين صرنا غريبين=حكم القدر واصدر علينا قراره
الهم والغربال والفقد والبين=وانا أسيره بانتظار الزياره
ويلي على لاماك ويلاه ياحسين=يامن يجمّعنا واسوق البشاره
ساره ويسكت لحظة ٍ كنها سنين=واقفي واشوفه يوم شب السيجاره
[/poem]
رد حسين على قصيدة حبيبته وقال ....
[poem=font=",6,,normal,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يامرحبا في غايتي ياهلاوين=يابنت عودٍ فيه طيب ونعاره
لايابعد كل البنات المزايين=يافرحة المظلوم يوم انتصاره
من يوم ماغبتي وانا ماني بزين=ضايق واحس القلب طال انتظاره
دايم على وإنتي تمرين=واقول يفدوها جميع العذاره
لو الليالي يرجع ٍ عشرة سنين=ماكان شفتي الشيب زاد بوقاره
لامانسيتك من ثلاثه وتسعين=وشلون ابنسى حب واضح مساره
تدرين شلي هزني يوم الاثنين ؟=والي ذبح قلبي من اول نهاره ؟
زولك لمحته يوم كنتي تمشّين=بين الصفوف اقبال باب الاداره
فز الخفوق وقلت ياربي اتعين=هي سارتي ولا شبيهه لساره ؟
جيتك وقلت ابننقل البنت هالحين=تفضلي الأوراق والإستماره
طول سكاتك والبلا العين بالعين=واصبحت احس بضغط مدري حراره
خانتني الدمعه وطاحت من العين=كني طفل يبكي مضيع دياره
بحط بنتي عندك بسادس اثنين=عشان اكثّر جيّتي بالزياره
وامانتك انك عليها تخافين=لحد ٍ يضايقها بأيّة عباره
بصارحك في شي يمكن تحسين=ان الزمن اقفى علينا قطاره
أنا سمعت ان اكبر عيالك حسين=وانتي أكيد انك سمعتي بساره
[/poem]
قصيدة ساره المعلمه الكويتيه ..
ولا تكفي 
العرض المتطور
