بشويش خليكي .....؟

بشـويش خليكــي .....

بشويش خليكي على القلب بشويش
.......... ما دام قلبـي صــار عنــدك رهيـنه
تـدريـن بُـعـدك فلّـش القلــب تفـليـش
.......... وسـبب عـــذابه والألـــم مـع ونينـه
حبـك غـزى قلبي كما غـزوة الجيش
.......... واحتـل نبـضـه ثــم هيّـــض كنينـه
وانـا عقـب فـرقـاك ما طابلي عيـش
.......... ونيـران شـوقي لك تـدمـر مــدينه
... اشـتاق لك شـوق العـرب للمطاريـش
.......... شوق العجـوز اللي تحاتي جـنينه
حبي لك اصفى من قراح المراهيش
.............. مــزنً تـحــدربــه رعــودً مـتيـنه
حبـك بقلبـي مـا دخـل بالبخــاشيـش
......... وحـبً يجـي باثمان يذهـب ابحينه
ولولا الظروف اللي وراها التباليش
.......... مـا اخلـي الخفــاق يـفـقـد ظنـينه
الفكـر عقبـك صـايـرً فيـه تشـويـش
........... يشـذ بـعض احيـان واقــــول وينـه
يطير لارض الهاشميه كمـا الريـش
.......... واربـع احــدود تصيـر بينـي وبيـنـه
ويعـود لـي فجـأه بوقـت المغـابيش
.......... من عقب مسرا والسـبايب حنينه
بشويش خليكي على القلب بشويش
.......... امــانـــةً حـــــذراك لاتــضيـعيـنـــه
محمـد بـن سـوعان الُربيّــع

يسلموو وووو

صح لسانك
ابدعت

صح لسانك شاعرنا الكبير

تقديري لك
الشهاب

اشكر الاخوان والاخوات الذين اسعدني مرورهم الرائع والطيب
واخص بالذكر
الاخت : امي نظر عيني
الاخ : الـفـــــارس
الاستاذ : الشهــاب
لكم كل تقدير والاحترام
نورتم اخواني الاعزاء

الشاعر المميز
الصيرمى
صح لسانك
تسلم الايااااااااااااادى

صح لسانك يا الصيرمي

ولاهنت
قصيده جميله

الاخوان الاعزاء والاكارم
عربي الحويطي
واحساس الاصايل
تقبلوا خالص مودتي وشكري وتقديري
على مروركم اللي كان اكثر من رائع
لاهنتم اخواني