ان نمت شفتك في منامي تمكنت
الحين وشلوني؟ .. عقب ما تمكنت
يرحم هلك .. هالحين تسأل شلوني؟
شأقول دامك في عذابي تفننت
قصيت جنحاني وطارت غصوني
أن قلت طيب .. ماني بطيب وانت
عساك طيب .. لو شكنّك طعوني
ياللي عطيت لوردي الما .. وهوّنت
قبل يتفتح ورد .. ضحكة جفوني
ما عدت في قلبي مثل ما قبل كنت
لكن عجزت انسى .. وغيرك نسوني
مرات اقول انك تماديت .. وأذعنت
للي حدوك عن الوصال .. وحدوني
ومرات أقول انك للأيام .. ما لنت
مثلي .. وأطمن في رجوعك ظنوني
وإن خانت ظنوني طواريك ما خنت
أخاف لا تفضح ظنوني .. شجوني
ويهون عقبك حزن عمري ولا هنت
ياللي تجدد ذكرياتك .. غبوني
وتسأل شلوني ؟ .. هاه قللي تطمنت ؟
لا .. وإسمع آخر ما بقالك فـ كوني
ان نمت شفتك في منامي تمكنت
وان قمت شفتك ساكنٍ في عيوني
ان نمت شفتك في منامي تمكنت
العرض المتطور
