يــــاطيــــر ..

ياطير لك صدر الفضا وابرق الريش
عشّ من حياتك لو هي ايام عشها

فج المزون المثقلات المراهيش
بعيد عن ضيق النفوس وطفشها

الله كريم وكافل الرزق والعيش
سوا البسطه للحياه وفرشها

رحبه ولكن ضيقة صدورنا ليش
وصدور صارت للبغايض عششها

ناسٍ على وصل النمايم معاطيش
وخبلٍ ذهين وكلمةٍ له عرشها

اسطورة رجال الوفا والمداغيش
ان غبت حافظ سيرتك ما نهشها

من يستر الزله ..ويضفي على طيش
صديق ماعدّ العيوب ونبشها

مبدا تلاشى من بطا الوقت بشويش
سيره تداولها الحديث ونعشها

ما ودي الا بيت لو هو من الخيش
في ديرة ماتسمع الا وحشها

لاضيق بال ولاعلى الغكر تشويش
بعيد عن بعض النفوس وعطشها

ابـــــن لافـــــي

ناسٍ على وصل النمايم معاطيش
وخبلٍ ذهين وكلمةٍ له عرشها


حينما يتجلى الحرف تسكت الالسنة

وخليل قوافينا يبحر بنا الى رواسي
الشموخ والكبرياء كل الود أبو مالك