( بينك وبينه )
عاتب خويك بس بينك وبينه
واحذر تبين زلته عند الاجناب
إن صرت بلحالك معه بط عينه
بس استر عيوبه عن الناس لى غاب .
( معدنه غير )
ماكل رجل تعرفه تستشيره
بعض الاوادم ما ورا عرفهم خير
واحد يجي قدره مثل قدر غيره
وواحد يجي قدره مثل الذهب غير .
(يحييني الحي )
يذبحني الميت ويحييني الحي
ياحي من يعطي ولو جاد بفتات
مير البلا من معطي ماعطى شي
بالهرج حي وبالفعل مثل الاموات .
( البصر والبصيرة )
وش فرق عميان البصر والبصيرة
ماهو صحيح ان الفريقين عميان
اعمى البصر يقدر يشوف بضميره
واعمى البصيرة مبصر بعين شيطان .
( ابتسامه )
كب الزعل وافرد لي حجاجك شوي
خل الخوي يشعر معك باحترامه
ياخي لو انك تبتسم ، بتخسر شي ؟
ترى ابسط اشكال العطاء : ابتسامه .
حامد زيد ، اللعب بالنار ، الديوان الرابع .
من روائع حامد زيد 🌷
العرض المتطور
