قصيدة جوان المشهوري

الشاعر / حمدان جوان المشهوري الحويطي من كبار شعراء الحويطات و له قصائد خالدة كانت شاهدة على احداث تاريخية في مسيرة قبيلة الحويطات .
و القصيدة ادناه بمناسبة المعركة الطاحنة التي حصلت بين الحويطات و قبيلة بني صخر و كانت الغلبة
فيها لابطال الحويطات.




ياراكب حر وضيحان منــغاه ** حر منقى بالوصايف عجيبي

مثل الوضيحي لا جفل من معشاه ** وشداده اللي بالزهر مايصيبي

ركابه اللي بالبواكير يقـداه ** منوة غريب الدار زين الخبيبي

كزه على ابن جازي الا جيت تلقاه ** تلقى ربيع الضيف باله طريبي

تلقى دلاله على الهيضه مجــذاه ** مجذية للاجنبي والقريبي

وعده على ابو تايه وخله معشــاه ** ماقال اهلنا جال واحنا عزيبي

مثل الوزيــر وعسكر العز تبراه ** متحزمين بمطوعات الحريبي

الى رحل كل المــظاهير تتلاه ** واقفا على ديار نباته خصيبي

يرعى سحاب حيث مــارش بحماه ** يرعاه اخو عليا يباس ورطيبي

بني صخر هل المهار الغــذاه ** وصت لها شيخانها ماتغيبي

وتليمو كل برايه وبريـاه ** وقامت تصب الراي صبٍ عجيبي

منهم يقول ودنا بجمع يـلاه ** ونحيل مابين العرب والسريبي

انكاد ما طلنا الجزا والمجــازاه ** منازله بالبيت منا قريبي

كلٍ على بيته معقل رعايــاه ** ينخى الجدود ويطلبون النصيبي

والكل منهم يطلٌب عنــد مولاه ** يقول يارب الملا ما تغيبي

والحرب ماكل الرجاجــيل تقواه ** منهم يهوم وهو بقلبه مهيبي

والشيخ طلق بالمظاهير ياطاه ** لما يصيرو زي جرن يطيبي

وياشــين ماقدامكم غير ماذاه ** ماعمر نطاحه يثني مصيبي

وسارو كما مزن بها النـار موشاه ** مزن غزير وبارقه له لهيبي

حين الضحى وثعولـها يندفق ماه ** وكبت مطرها في نهار عطيبي

وكم فارسٍ زرق المجاديل تنعـاه ** واقفن حزانا واشهدن عالصحيبي

وابن عطيه حرب سامعينٍ بطرياه ** جتنا علومه بالنفايل كسيبي

ولى غدير الموت والمـلح يصلاه ** لما رموه والين حصانه صويبي

يوم اشرهو طلابة الحمد عاولاه ** ثنى عليه اللي يعز الطنيبي

عبطان شوق ابو جعود مـدلاه ** شوق الغزال اللي وصوفه عجيبي

ومحمد اللي يذعر الخيـل طرياه ** إلا شافنه تقافن هريبي

ردو علــيهم ردة الذيب عالشاه ** واشبعو طيورٍ موقعه بالرقيبي

من طاح مافيه الرجى والمراجاه ** حامت عليه ملوحات السبيبي

الظهر والله يخلف الراي بريـاه ** وجموع ابن فايز تقفي حطيبي

واشهد على الفلاح منشان مطهاه ** عشان فرنه والرغيف الرطيبي

ودك تلم جرود بمناسبـك ياه ** وقبيلهم حاملٍ خبثٍ وطيبي

وتجوز الفـلاح غلى البدو مزراه ** مثل الطعام اللي تكزه غصيبي

وانتم صخور صفو حبه منقاه ** عيب عليكم قولة له نسيبي

راعي حماط ودايرٍ فيه يجنــاه ** ماله قواعد في كتاب الخطيبي

تمت وصلو على النبي زين طرياه ** والله مصلي على النبي الحبيبي

يعــــــــــــــــــــــــــــيـــــــــــــــك العـــــافــيه
وترا جواان هذا جـــــدي
والله يعطيك العافيه

و الف نعم فيك و في شاعر الحويطات الكبير جوان رحمة الله عليه . و وجودك هنا تشريف لنا يالمشهوري

[align=center]رحمت الله على هذا الشاعر الكبير ولنا الفخر بكونه من كبار شعرانا ..

الحويطات بأمجادهم وتاريخهم سجلو لنا ولاجيالنا القادمة قصائد من ذهب . لايمكن نسيانها .

ولنا الفخر الكبير بكون واحد من أحفاده متواجد معنا في ساحتنا الغالية .

ولكن لدي سؤال أخينا الكريم الفارس لقد سمعت بهذه القصيدة كثيراً ولكن لاأعرف أين وقعت هذه المعركة ؟

ولك مني فائق التحية وأجل التقدير .. [/align]