واقع كره القدم في السعوديه

قبل البداية .. حتى يكون عندكم فكرة عن الموضوع ..
بعد تعادل المنتخب مع كوريا الشمالية .. ( إندبلت ) تسبدي .. وإرتفع ضغطي .. وما لقيت اللي يريحني غير الحديث كرتنا السعودية .. لأنها هي اللي الأساس وينعكس مستواها على المنتخب ..
و فشيت ( خلقي ) بهالموضوع اللي إرتحت بعده كثير ..

قراءة ممتعة أتمناها لكم ..





نعم .. وألف نعم .. من أجل هذا الشعار الغالي سأتحدث .. ومن أجل السيفين والنخلة سأبرد قلبي ..
وسأسرد لكم ما ( يحرق ) قلبي على رياضتنا .. فأهلا بكل من همه رفعة الرياضة التي فيها رفعة للوطن بكل تأكيد ..







قيادتنا الرياضية العزيزة على قلبي .. أهلا بكم .. والله أني أحبكم ولكن .. :
الكلام الذي سأوجهه لكم قد يكون قاسي .. ولكن يجب أن أتكلم ويجب أن أفضفض .. وأقول كل ما يخالجني من مشاعر وأحاسيس ( غاضبة ) أو بمعنى أصح ( عاتبة ) عليكم .. لا تستعجلوا .. ( وجهكم ) على الموضوع ماراح يطير .. الصبر زين يا إتحادنا السعودي ..

تكفى يا سمو الأمير .. إسمع الكلام اللي بقوله ولا تزعل .. طفح الكيل يا رعاكم وحفظكم الله .. دعوني أتحدث بما يمليه علي ظميري .. وإن لم يعجبكم كلامي فأنا أنتظر منكم تكرار هذه الصورة :



نعم أنا أنتظر إتصالك الذي سيكون تدشينه كما تدشنون مشاريعكم الإستثمارية بكلمة عطني (( صاحب السمو )) .. ولست متفائل بأن بجانبي مذيع ذو وجه بارد سيقف
ساكتا وأنت ( تمصخرني ) .. ولن أتردد بأن أذكرك بأني ( متربي ) ..
لأن قبل كل هذا يجب أن تعلم أن (( نقدني )) فني يا سمو الأمير ..

يا كثر إجتماعاتكم يا سمو الأمير .. ويا كثر مؤتمراتكم يا سمو الأمير .. وفي النهاية لم ولا أعتقد بأننا سوف نرى أي نتائج مثمرة لهذه الإجتماعات .. سمعنا كثيرا هذه المفردات :
( تدشين .. توقيع عقد .. عقد شراكة .. شراكة إستراتيجية .. تنظيم ورش عمل .. دراسة مستفيضة .. خطط علمية مدروسة .. ) ..
طيب .. وبعدين طال عمرك .. ؟
وش استفدنا حفظكم الله ورعاكم والله يخليكم لنا .. ؟



ومن هذه المشاريع والعقود .. العقد الحصري مع شركة راديو وتلفزيون العرب ( أي آر تي ) .. :



وقعتوا عقدا بالملايين مع شركة راديو وتلفزيون العرب .. ولم تجدوا حلا يا رعاكم الله للإستغلال الذي تنتهجه الـ ( أي آر تي ) .. أخذتوا الفلوس ولم تسألوا عن الأسعار وكأنكم تقولون ( طز ) فيك أيها المشجع السعودي .. إدفع فلوس ولا ( ضف ) خشتك ..
لا يا سمو الأمير .. نحن أبناء بلد واحد .. وأنا مواطن ومن أبسط حقوقي ( الترفيهية ) متابعة رياضتنا السعودية على قدر استطاعتي ،،، فإن كنت أنا وغيري نستطيع أن ندفع مبلغ الإشتراك .. فهنا من يحب ويهوى الكرة ولا يستطيع أن يدفع ربع المبلغ يا سمو الأمير .. هناك من لا يجد رغيف خبز لأطفاله .. وهناك من لا يستطيع شراء ( سروال ) رياضة و( جواتي ) لأبناء من أجل المدرسة .. فكيف يدفع 1200 ريال من أجل مشاهدة كرة القدم التي يحبها .. ؟؟
كيف يتابع ( بلاستيكية ) تركل بالأقدام .. بهذا المبلغ الخيالي يا سمو الأمير .. ؟!!!
نرجوا من سعادتكم النظر في الأسعار .. ليس التوقيع فقط وترك القناة ( الباكستانية ) ومن ورائها يلهفون ( دراهمنا ) ويستغلون وطنيتنا في حب رياضتنا .. !!



الأهـــــــم :


كرتنا السعودية لا أحد يحترمها يا سمو الأمير .. كرتنا السعودية حصل لها موقف لا تحسد عليه .. هل يرضي سموكم الكريم .. أن الكورة الأوروبية تتكلم على كرتنا السعودية .. وتهزئ فيها قدام الله وخلقه .. هل يرضيكم أن الكورة الأوروبية تضحك علينا و ( تفرج ) الناس علينا .. لا .. لا .. لن نرضى بهذا الوضع .. فهي كرتنا التي أسسها رموزنا رحمهم الله ..


هذي صورة حديثة جدا تم إلتقاطها لكرة القدم الاوروبية :





وهذه صورة لكرتنا السعودية .. أكثر حداثة من الاوروبية لأني إلتقطها بجوالي قبل قليل .. 




نعم يا حبايبي .. كرتنا ليست شيء عند كرة القدم الاوروبية .. بالتأكيد لا أتحدث عن النتائج ولا عن قوة الدوري وغيره .. لا لا .. أنا أعلم وأفقه الفارق بيننا وبينهم في كل شي .. ولكني سأوضح لكم ما أرمي إليه من خلال الحوار الساخن الذي فيه ( تهزأت ) كرتنا .. الذي من خلاله إنكشف المستور وظهرت الحقائق ..

فلم أجد طريقة إلا أن إستأذنت ( خيالي ) لكي أبحر فيه كما تعودت ..
فقلت في نفسي .. لو أقيم حوار ومواجهة مباشرة بين الكرة السعودية ونظيرتها الاوروبية .. مالذي سيحدث .. ولمن الغلبة ..
أنا عن نفسي أتمنى أن تتفوق كرتنا السعودية .. وتلقن الاوروبية درسا لن تنساه .. حتى لو كان بـ ( خذوهم بالصوت لا يغلبوكم ) .. ولكن للأسف الشديد طلعت كرتنا السعودية تجر أذيال الهزيمة من الحوار .. وفشلتنا ولم تستطع الثبات .. هل تعلمون لماذا .. ؟
بسبب الخطط العلمية المدروسة والدراسة المستفيضة التي جابت العيد بكرتنا السعودية أثناء الحوار ..

أدري كثرت عليكم ( البربرة ) لكن أستأذنكم قليلا لكي تشاهدوا ما حدث في الحوار وعلى الهواء مباشرة .. :


الكرة السعودية : السلام عليكم يا كرة الإمتاع ..
الكرة الأوروبية : الحمد لله على العقل ..
السعودية : ليه ماتردين السلام .. ؟
الاوروبية : بالله انتي مصدقة نفسك انك ( كورة ) .. عشان أرد عليكي ؟
السعودية : ايه كورة .. ليه .. شايفتني ( سيارة ) هههههههههههههه ..
الاوروبية : هذا انتي يالكورة السعودية مضحكة .. وماعندك غير الضحك ..
السعودية : وش قصدك بالمضحكة .. ؟
الاوروبية : اقول لا تزعجيني .. اذا صرتي كورة مثل الناس تعالي ..
السعودية : ماني فاهمة .. !!!
الاوروبية : اكيد ماراح تفهمين .. لأنك كورة سعودية مافي أمل تتطورين !!
السعودية : أقول إحترمي نفسك .. وش فيكي علي ولا كأنك شايفتني .. لا تنسين إني تأهلت لكاس العالم أربع مرات ورى بعض .. ولا تنسى إن حققت كأس آسيا ثلاث مرات .. ولا تنسي إني أنجبت نجوم خلد التاريخ أسماءهم ..
الاوربية : أقول لا يكثر يا ( أم ) ثمانية ألمانيا .. خليني اسألك كم سؤال عشان تعرفين قدرك .. بس بدون زعل .. ؟
السعودية : قولي اللي بخاطرك وما راح أزعل .. !!
الاوروبية : وشي طموحات قيادتكم الرياضية .. ؟
السعودية : بالله عليكي هذا سؤال .. أكيد طموحاتهم تطوير الرياضة والرقي بها .. والتشريف بالمحافل العالمية ..
الاوربية : يعني تبين تقنعيني إن وصولكم لكاس العالم هو الهدف .. ؟
السعودية : للأسف بعد ما كان هدفنا التأهل للدور الثاني بكاس العالم صار الحين هدفنا مجرد التأهل .. أصبحنا نستانس بالتأهل واللعب مع المنتخبات العالمية ..
الاوروبية : طيب وش اللي تغير .. ؟
السعودية : الخطط الرياضية تغيرت بوفاة الرمز فيصل بن فهد رحمه الله .. الإعلام تغير .. المواهب قليلة جدا .. مافي دراسات واضحة للتطوير .. الاحتراف عندنا تغير للأفضل ولكنه قتل المواهب ..
الأوروبية : طيب لو سألتك عن اللعب بالسعودية .. في ملاعبكم كم مرة تطلعين آوت في المباراة .. ؟
السعودية بإحراج : والله كثير يا بنت الحلال .. وش ذا السؤال المحرج .. ؟
الاوربية : يعني كم تقريبا .. ؟
السعودية : تقريبا 92 مرة بالمباراة الواحده .. والعلم الأكيد عند برناوي والزوري أكثر ثنين يلعبون آوتات بالعالم هههههههههه ..
الاوروبية : ههههههههههههههههههه هذا دليل على انك كورة مصخرة ..
بالله عليكي وش ذا اللعب .. طيب كم باقي وقت يلعبون دامك تطلعين 90 مرة آوت .. ؟
السعودية : اصلا عندنا اللعب تقريبا 20 دقيقه .. والوقت الباقي اوتات وركنيات وفاولات واصابات .. وتشتيت وقلة حيا .. !!
الاوربية : انتي عار على لعبة كرة القدم والمفروض اجي انسمك ولا احد يلعب فيكي بصراحة ..
السعودية : لا تصيرين عاد قاسية .. خلي الشباب يفلونها ويستانسون بعدين هم يحبون يلعبون كورة ..
الاوروبية : يستانسون بعيد عن الكورة .. قولي لهم يروحوا يلعبوا بلياردو او تنس أو يروحوا يركبوا دبابات ..
السعودية : انتي بصراحة مغرورة ومتعجرفة .. !!
الاوروبية : من عذري اكون مغرورة لأني كورة زي الناس .. ما فيها لا مجاملات ولا نصب ولا شي ..
السعودية : ايش تقصدين بكلامك الخطير هذا .. ؟
الاوربية : اقصد رياضتكم المصخرة بصراحة فيها مجاملات ومحسوبيات .. اللجان تجامل .. والمنتخب يجامل .. والإتحاد السعودي يجامل .. !!
السعودية : متى جامل الإتحاد السعودي .. ؟
الأوربية : على بالك ما نتابع أخباركم يا خيتي .. طيب أتحداك تذكرين لي لاعب توقف أو مدرب توقف وقضى كامل عقوبته .. ؟؟
السعودية : بصراحة مافيه ..
الأوروبية : ليه أول ما تمضي نصف المدة يعفى عنه .. ؟
السعودية : اقول احترمي نفسك ولا تغلطي على الاتحاد السعودي وبلاش يتصل عليكي سلطان بن فهد ويمصخرك ..
الاوربية : هههههههههه ضحكتيني .. هذا ما يقدر إلا عليكم أصلا .. لانه اذا تعدى حدوده وصلاحياته .. ممكن يجي قرار من الفيفا ينسم كورتكم ثم يجلس في بيته لا شغل ولا مشغله ..
السعودية : تبين الصراحة .. ؟
الأوروبية : يا ليت .. واضح إن عندك كلام كثير .. قولي فضفضي .. !!
السعودية : والله يا بنت الحلال إن كورتنا السعودية ماعاد هي زي أول ..
الأوروبية : وش الفرق بين أول والحين .. ؟
السعودية : أول في متعة أيام يوسف الثنيان والهريفي وماجد وسامي وقهوجي .. يعني كان الدوري له طعم .. الحين مافي إلا كم لاعب كويسين والباقي تكملة عدد ..
الأوروبية : زي مين كويسين .. ؟
السعودية : بدون ذكر أسماء .. في أعضاء الحين يتابعون حوارنا عشان كذا لا تحرجيني .. والكل عارفهم وإن نسيت لاعب بيقولوا تعصب ومدري ايش ..
الأوروبية : معقولة وصل التعصب عندكم للدرجة هذي .. ؟
السعودية : إي والله وأزود .. لكن ممكن أقول لك حسين عبد الغني هذا يلعب عندكم في سويسرا وسمعنا إنه بيروح لتركيا ..
الأوروبية : أقول تعالي أنتي و ( خشتك ) .. دولة فيها 22 مليون نسمة و153 نادي .. ماعندكم إلا كم لاعب كويس .. ؟؟
السعودية : هذا البلا .. كله من تحت راس الخطط العلمية ( المهروسة ) ..
الأوروبية : وش قلتي .. وش معنى مهروسة .. !!
السعودية : لا لا ,, ولا شي .. أقصد إن شاء الله في خطط قادمة للإتحاد السعودي بتكون تطويرية ..
الأوربية : والله ما أتوقع إنكم بتطورون ومنتخبكم فيه مجاملات ..
السعودية : أف أف .. حتى أنتم تدرون إن منتخبنا فيه مجاملات .. ؟
الأوروبية : ما أقول غير الله يرحم فيصل بن فهد ..

إنقطع لإتصال ونعتذر لعدم القدرة على نقل بقية الحوار بسبب خلل من المصدر .. ومصادر تؤكد أن نسبة كبيرة من الحوار بين الكرتين غير قابل للنشر بسبب الفضائح في الكرة السعودية ..

يا سمو الأمير .. ماحد قال لك نبي منتخبنا يحقق كأس العالم .. !!
ولا أحد قال لازم نكون من أفضل دول العالم في كرة القدم .. !!
لا لا لا .. نبي الستر طال عمرك .. نبي نتطور ونرتقي .. !!

الكرة السعودية في خطر .. حتى الأندية السعودية في المشاركات الخارجية في السابق كانت تحقق إنجازات كبيرة ولها صولات وجولات .. أما الآن لا يوجد إلا ناد واحد يستطيع مقارعة بقية الأندية الآسيوية وغيرها ..
إبحث عن الخلل يا سمو الأمير ..




شطحة لابد منها :

هذي آخرتها .. وهذي تاليتها .. صرنا نلعب بـ (( ملاحق )).. !!





مما قراته واعجبني وحبيت انقله لكم
دمتم بخير ..

للأسف هذا هو واقع كرتنا
يجيب الله مطر بس اذا استقال أو أقيل ..... هههههه
وحوار ممتع
كل الشكر أخوي الحامدي

المشاركة الأصلية كتبت بواسطة جبرني الوقت

للأسف هذا هو واقع كرتنا
يجيب الله مطر بس اذا استقال أو أقيل ..... هههههه
وحوار ممتع

كل الشكر أخوي الحامدي

الشكر لك اخوي جبرني الوقت لمرورك الذي انار موضوع

وعلى قولتك يجيب الله مطر

كرتنا تهزئت بعد كأس العالم 2002 تخيلو انو قبل كاس العالم 2006 كان المنتخب السعودي تصنيفه 38 عالميا وبعد كأس العالم حدث ولاحرج صار تصنيفه 83 شوفو الفرق مع انو لعبو ثلاث مباريات الا انو خسرو 45 مرتبه والحين ترتيبهم 56 والله عندنا مواهب لكن الي مخربها عدم وجود الاحتراف كلو من روئساء الاندية السعودية ولا ترى عندنا مواهب
سلطان بن فهد لم يقدم الا برسيم للمنتخب ياخي لو يجي نواف بن فيصل تشوفو منتخب عالمي
بوسيرو راجع حساباتك وطلع نايف القاضي ترى عندك المنتشري افضل لاعب اسيوي في 2005
والشلهوب مدري وش يبغى
صراحة منتخبنا اسمه نادي الهلال اغلب الاعبين هلاليين مالهم داعي بس المفروض الي يبقى من الهلاليين هوساوي والفريدي وياسر في دكت البدلاء والزوري في حسن معاذ افضل بكثير منه وبشش

المشاركة الأصلية كتبت بواسطة ولد العز

كرتنا تهزئت بعد كأس العالم 2002 تخيلو انو قبل كاس العالم 2006 كان المنتخب السعودي تصنيفه 38 عالميا وبعد كأس العالم حدث ولاحرج صار تصنيفه 83 شوفو الفرق مع انو لعبو ثلاث مباريات الا انو خسرو 45 مرتبه والحين ترتيبهم 56 والله عندنا مواهب لكن الي مخربها عدم وجود الاحتراف كلو من روئساء الاندية السعودية ولا ترى عندنا مواهب
سلطان بن فهد لم يقدم الا برسيم للمنتخب ياخي لو يجي نواف بن فيصل تشوفو منتخب عالمي
بوسيرو راجع حساباتك وطلع نايف القاضي ترى عندك المنتشري افضل لاعب اسيوي في 2005
والشلهوب مدري وش يبغى
صراحة منتخبنا اسمه نادي الهلال اغلب الاعبين هلاليين مالهم داعي بس المفروض الي يبقى من الهلاليين هوساوي والفريدي وياسر في دكت البدلاء والزوري في حسن معاذ افضل بكثير منه وبشش

نواف بن فيصل زي عمه ترا

الله يرحمك يافيصل بن فهد بس

الزوري يلعب ظهير ايسر اما معاذ يلعب يمين


يعطيك العافيه ولد العز للمرور

المشاركة الأصلية كتبت بواسطة محمد الحامدي

نواف بن فيصل زي عمه ترا

الله يرحمك يافيصل بن فهد بس

الزوري يلعب ظهير ايسر اما معاذ يلعب يمين


يعطيك العافيه ولد العز للمرور

عارف انو معاذ يلعب ايمن يخلي معاذ مكان شهيل وشهيل يروح ايسر زي لما كانو في نادي الشباب

ههههههههههههههههههههه

والله حاله
خلونا في الكور الاوربيه ونسوا كورتنا أزين

الى الان فيه أحد يهتم بالكوره السعوديه!!!!

المشاركة الأصلية كتبت بواسطة ممنوع الاقتراب

ههههههههههههههههههههه

والله حاله
خلونا في الكور الاوربيه ونسوا كورتنا أزين

الى الان فيه أحد يهتم بالكوره السعوديه!!!!

ايه فيه

ماجاب لنا الضغط الا هم الحين مو قاردين يفوزون على كوريا وبالرياض اجل وش بيسوون بكاس العالم اذا تاهلو طبعا.

خلها ع ربك بس

شكرا لمرورك اخي ممنوع الاقتراب

اي حاجه عربيه ان قارنتها مع الاوربيه بتخسر بفارق شاسع

وتصنيف الكوره احسن من تصنيف المستشفيات والجامعات والخدمات العامه

تاخر الكوره سببه مش سلطان بن فهد السبب في المجتمع نفسه متاخر في كل حاجه

وكل المهن الي فيها مجهود والا حتى نص مجهود كلها مش سعوديين

ياصاحبي الطفل من تجيبه امه وهو من سياره في شقه في سياره في مدرسه في سياره

وكلها جلسه و الاكل غير صحي والالعاب الالكترونيه حدث ولا حرج

الجيل السابق كان يحب الكوره اكثر وانا عندي جماعتي الي تحت العشرين ماعرف ولا واحد يلعب كوره

انتبه لعضلة الرجل الضامه للاعبين القدم واللاعبين الجدد وشوف الفرق

لابد من تحويل الانديه الى شركات علشان يدربوا صح

التدريب الصح 8ساعات يوميا غير فترات الاكل والاستراحه

مافيه احتراف حقيقي يعتمد على دعم عضو ممكن يسحب نفسه في اي لحضه وممكن تروح فلوسه ملح ولا كانه دفع ريال

لاعبينا ماعندهم طموح الى اخذ له كم مليون قام يتبطح ويفكر الملايين ماتخلص

اصلا فينهم اللاعبين الي نتكلم عنهم الجمهور السعودي اتوقع مايتفق على خمس لاعبين بالمنتخب

تقدر تسمي لي لاعب وسط واحد يصنع الفرصه من لا شي؟

اخيرا تقبل مروري واسف على الاطاله

المشاركة الأصلية كتبت بواسطة ناسك

اي حاجه عربيه ان قارنتها مع الاوربيه بتخسر بفارق شاسع

وتصنيف الكوره احسن من تصنيف المستشفيات والجامعات والخدمات العامه

تاخر الكوره سببه مش سلطان بن فهد السبب في المجتمع نفسه متاخر في كل حاجه

وكل المهن الي فيها مجهود والا حتى نص مجهود كلها مش سعوديين

ياصاحبي الطفل من تجيبه امه وهو من سياره في شقه في سياره في مدرسه في سياره

وكلها جلسه و الاكل غير صحي والالعاب الالكترونيه حدث ولا حرج

الجيل السابق كان يحب الكوره اكثر وانا عندي جماعتي الي تحت العشرين ماعرف ولا واحد يلعب كوره

انتبه لعضلة الرجل الضامه للاعبين القدم واللاعبين الجدد وشوف الفرق

لابد من تحويل الانديه الى شركات علشان يدربوا صح

التدريب الصح 8ساعات يوميا غير فترات الاكل والاستراحه

مافيه احتراف حقيقي يعتمد على دعم عضو ممكن يسحب نفسه في اي لحضه وممكن تروح فلوسه ملح ولا كانه دفع ريال

لاعبينا ماعندهم طموح الى اخذ له كم مليون قام يتبطح ويفكر الملايين ماتخلص

اصلا فينهم اللاعبين الي نتكلم عنهم الجمهور السعودي اتوقع مايتفق على خمس لاعبين بالمنتخب

تقدر تسمي لي لاعب وسط واحد يصنع الفرصه من لا شي؟

اخيرا تقبل مروري واسف على الاطاله

وجه نظرك احترمها

بس انا اتكلم الحين عن المنتخب وشي طبيعي ان اللي بيحاسب رئيس الاتحاد اللي هو سلطان بن فهد

ماذا قدم سلطان بن فهد من يوم استلم الاتحاد السعودي ابي انجاز زي ايام فيصل بن فهد ياناس وصلنا لدور الـ16 بكاس العالم يعني المفروض الدوره اللي بعدها نكرر الانجاز ونوصل لدور الـ 16 اقل شي
الله يرحمك يافيصل بن فهد بس.
للاسف لايوجد لاعب في المنتخب يوصل كوره صح للهجوم الله يرزقنا بواحد زي ابو يعقوب والا الهريفي

لا ويقول لك لا للتجنيس مابقت دوله بالعالم ماجنست الا احنا

شكرا لمرورك اخوي ناسك وحياك .

كوووووورتنآآآآآآآآآآ يعبر عنها بكلمتيــــــن فقط

كوووووورتنآآآآآآآآآ كورة

طقها والحقها


تحيآآآآآتـي لك

المشاركة الأصلية كتبت بواسطة حـــزن النبلآإء

كوووووورتنآآآآآآآآآآ يعبر عنها بكلمتيــــــن فقط

كوووووورتنآآآآآآآآآ كورة

طقها والحقها


تحيآآآآآتـي لك

هههههههههههههههه

شكرا لمرورك اخوي حـــزن النبلآإء