الصمــت

[poem=font=",7,darkblue,bold,normal" bkcolor="transparent" bkimage="http://www.alhowaitat.net/mwaextraedit2/backgrounds/93.gif" border="solid,4,black" type=1 line=1 align=center use=ex num="0,black""]


قالوا علامك صامت وقلت يانـاس =كثر الكلام يقـل لاجلـه مقامـي

الصمت حكمه والحكي مصدر إفلاس =ولقيت في صمتـي يزيـد احترامـي

الصمت له معنى وله ذوق وإحساس =مركب نجاتك فـي بحـور الظلامـي

ترى الرجل صوره من الراس للساس =ثـم يتبيـن جوهـره بالكـلامـي

إما نطق في كلمـة ترفـع الـرأس = تضفي على شكله جديد الاسامـي

وإلاّ يعوّد معدنـه معـدن انحـاس =يرميه سهمه بعـد ماكـان رامـي

لا صار عندك من ثمينـات الألمـاس =خله بصدرك ليـن وقـت التمامـي

أخاف يطلعلك من النـاس بـلاس =وإلا سفيـه مـا يـرد السـلامـي

الله خلق خلقه على عـدة أجنـاس = وكلـن يسوقـه مذهبـه للأمامـي

والله خلق بالطير قمـري وقرنـاس =ووقت الهدد ما ينغـزى بالحمامـي

لا جال في صدرك من الهم هوجـاس =وعينـك يحاربهـا لذيـذ المنامـي

ونفسك عليله والفكر صار محتـاس =اترك طمان القـاع وارق السنامـي

عليك بالعالـي ليـا هـب نسنـاس =يبري الجـروح الخافيـه والعظامـي

وخلك لربعك دايم الـدوم نبـراس =وخص القريب وخص ولد العمامـي

خلك لهم في داجي الليـل مقبـاس =وللصاحب أصدق من حقوق الغمامي

ربعك ذراك ليا لحق راسـك البـاس =قدم لهم شربك ولو كنـت ضامـي

وخلك لثوب الطيب والعـز لبـاس =واتـرك دروبٍ تنتهـي بالحرامـي

وفعل الجميل وواجب الضيف نوماس =ومن لا نفع بالضيق نفعـه عدامـي

بيت الكريم أبوابـه بـدون حـرّاس =وبيت البخيل يعـد مثـل الهدامـي

كلٍ بهـا الدنيـا نصيبـه بمقيـاس =ياخـذ نصيبـه لوجفـوه الأنامـي[/poem]

شتان بين الامس واليوم شتان

صح لسانك مليوووون
يابو عطالله
انشهد انها قصيده وافيه ومافيها كلام
جزله من جزل


مجمل ومشكور
ماقول غير الله يعطيك العافيه يابن العم

\تحيالتي\
/صدى البوادي/

حقيقه لاكلام

ماخلى ابوتركي الااني اقول

مليوووووووووون صح لسانك

قصيـــــــــــــده رآئعه ,,,,,

سلمت يمينك أخوي على هالابيآت الجزله ,,,,
ودأم ابدآعك ,,,,
مـــــ حروف مبعثره ــــودتي

ابيات جزله
لايسعني الا الصمت امامها والتفكر في معانيها
دمت بود

ابن عيـــــاد الدبر

صح بدنك ابوتركي وشكرا على مرورك الرائع وكل عام وانت بخير

صح بدنك اخوي نديم الشمال وشكرا على مرورك المميز وتقبل تحياتي.........

صح بدنك حروف مبعثره وشكرا على مرورك الرائع وكل عام وانت بخير ....

صح بدنك ابن عياد وشكرا على مرورك المتميز وكل عام وانت بخير وتقبل تحياتي.....

شاعرنا /غازي العطا .... ونعم والله غازي عطا وجود وعز وشهامه .. صح لسانك الجزل دوم ابياته جزيلات...

تحياتي لك وذكرتني بقصيده للشاعر/عنيز الترباني " رحمه الله "
يقول:

هرج يحطك في محط الضعافه .......... وهرج يحطك في محط أحسن إنسان
وياماحلا فعل السيوف الرهافه .......... وياماحلا ترويحتك وإنت كسبان
والجيد اللي ما إنوطى عالاطرافه......... ولاتوطى على طرف جار غلبان

... والمعذره وإن كان بالإبيات خطأ بترتيبها "
**دمت بود /

صح بدنك اخوي احساس شاعر وشكرا على مرورك المميز وكل عام وانت بخير وتقبل تحياتي.............

الصمت حكمه والحكي مصدر إفلاس
ولقيت في صمتـي يزيـد احترامـي

صح لسآنك أخوي على الدرر اللي تتحفنآ بهآ

مآ أزيد على شهآدة الأخوآن اللي سبقوني

شآعر ومتمكن من الحرف ويخضع لك وتعرف

وين تدرجه وتكون لنآ معزوفه تتمكن من أذن السآمع


بإنتظآر جديدك ..

دمت لمن تحب


,’

غازي العطا

هنا شعر
هنا شعر
هنا جزاله
هنا جزاله

شاعر فاخر
اعذرني اخي على عدم اطلاعي على نصوصه المدهشه

الى الامام

[ALIGN=CENTER][TABLE1="width:95%;background-color:white;"][CELL="filter:;"][ALIGN=center]
اخي غازي

ابيات رائعة ونص حكيم لا ينبع إلا من رجل خاض الكثير من التجارب في حياته

اشكرك وانتظر جديدك بشوق
[/ALIGN][/CELL][/TABLE1][/ALIGN]

[align=center]

لا صار عندك من ثمينات الألمـاس

خله بصدرك ليـن وقـت التمامـي

[/align]

صح السان الشاعر

وقصيدة عبارة عن حكم

نص ناضج .. غارق بالجزاله والحكمه
غازي العطا .. صح لسانك
وكل الشكر أن أتحت لنا التعرف عليك بهذه الجزله

مودتي