يا غافل بدنيـاك والوقـت مجـرود...

يا غافل بدنيـاك والوقـت مجـرود

فيما مضى بيـن الـدروب البعـادي

تمشي على سبوتك بك الصلب مشدود

على وطا البرخوص جاها اجتـلادي

هذاك حينـن بابـه اليـوم مسـدود

يوم الشباب براهـي الزيـن بـادي

تسري بنا الدنيا بها الوقـت محـدود

من دون ما نـدري رسنهـا يقـادي

شفها مـع الايـام مـا دارت بـزود

الا زمانـن راح رمـيـة زنــادي

وين العضود اللي تزايد بهـا الفـود

يوم القـوام ينـازي بجـرف وادي

وين الزحول العايشه من عصر هـود

راحوا مـع الايـام مـن دون زادي

تخالـف النـوار زايـن بـه العـود

وامسى كما حال الصريـم متـرادي

راحت سواليف الليالـي كمـا النـود

تاتي علينا بسيـل ليـن الحصـادي

حنا مشينـا والوسيعـه لنـا لحـود

بين النصايـب روسنـا مـا تنـادي

في ماقفن فـاه الفتـى فيـه ملـدود

ما عـاد فيهـا بالفعـول اجتهـادي

اليا غطوه الناس فـي مرتـع الـدود

يوحـي قريـع اقدامهـم بالحمـادي

يجونه اللـي مـا لهـم بالخـلا ذود

بيـن المقابـر دايريـن العـبـادي

من شان قولن مـن تعـداه مولـود

ثـلاث نشداتـن عليهـا اعتمـادي

جوابهن ميسـور ولا فيهـن الكـود

علـى التقـاة المومنيـن الصـلادي

وجوابهن كايـد علـى كـل مقـرود

سـود القلـوب مقدميـن العنـادي

اليا اقعـدوه لسانـه يصيـر مبـرود

يقول هاه ومـا درى ويـن غـادي

يا رب عفوك في مدى يوم موعـود

فيه العبـاد افـواج مثـل الجـرادي

يجون فيه الروم واصحاب الاخـدود

والعالـم مـن آدم ليـوم المـعـادي

يوسف الخليفة ( أبو عبد الله )

تسري بنا الدنيا بها الوقـت محـدود
من دون ما نـدري رسنهـا يقـادي
شفها مـع الايـام مـا دارت بـزود
الا زمانـن راح رمـيـة زنــادي
وين العضود اللي تزايد بهـا الفـود
يوم القـوام ينـازي بجـرف وادي

الله الله عليك يابو سليم.. صح الله لسانك واعلا شانك..,

الله يعطيك العافيه ..,

وانتظر بوح قلمك بشوق..,

تحيأأتي لك..,

راحت سواليف الليالـي كمـا النـود
تاتي علينا بسيـل ليـن الحصـادي
حنا مشينـا والوسيعـه لنـا لحـود
بين النصايـب روسنـا مـا تنـادي

الله الله استاذي ابو سليم اختيار رائع وموفق

بارك الله فيك



الذيب

يعطيــــكــ الف عافيه
ابداع رائع ومميز
تقبل مروري

نادر

ذيب

سعود

الله لا يحرمكو لذة النظر الى وجهه الكريم

كلمات قمه الروعه
يعطيك العافيه