((( مجروح؟ فِدوه .. ولكن صعب وحداني! ))))

اللي بقى لي مع الأيام .. وفّيته
والضيق لو ينهمر تشربْه ودياني

ماهي كبيره علي والحزن غنيته
وْلاهي غريبه إذا وقتي تحداني

الخوف -يا من نبشت القلب وادميته
-لاعشت زهرة شبابك وانت وحداني!!

كم جرح خذْته من الأحباب.. ضمّيته
وجروح قلبي زكاة لْحُبّّ خِلاّني


((مطعون ؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاواني

صدمه؟ بسيطه ،، هَوان الحال؟ مرّيته
مقرود ؟ أدري ،، وإذا حرمان؟ عدّاني ))


ما فاح همّ ٍ لك الله ما تقهويته
ما مرّ حزن ٍ بغيري ما تبلاّني!

ياما وياما من الخذلان .. عديته
إلا بصاحبْ .. بعد عِشره تناساني!!

أزريت لأنسى غيابه لين ناديته
والموت لامن تجاهلني وجافاني

((وينه يجيني .. وكل عْتاب كنّيته
ياليت يدري بعد فرقاه وش جاني!!))


من كنت طفل ٍ وانا أرجاه في بيته
شيّبت.. واثره على هالحال خلاني!

حتى جناح العَتَب لرضاه ذليته
ماطِرْت بعده فرح من ذلّ جنحاني

يا قلب صبرك .. ترى كل شيّ سويته
ما كان أفضل من اللي كان بإمكاني

لو بيّ قوه على الهجران؟ خليته
لو بيّ ذره من النكران؟ يفداااني

ا(((لجرح أرحم .. إذا يرجع من أغليته
مجروح؟ فِدوه .. ولكن صعب وحداني! ))))>>

حتى جناح العَتَب لرضاه ذليته
ماطِرْت بعده فرح من ذلّ جنحاني

صح لسآن قآئل القصيده ,,,
وسلمت يمينك يالغلا ع النقل ,,,,
وأهنيك ع الذوق الرآئع,,,
مـــ حروف مبعثره ـــودتي

الرمل في (حزرم )من امس سفيتــــــــــــــه000واناأعرف اني ضــــــايع وضيعت عنواني

صح لسانكــ وشاعرهاااا

ابياااات جميلهـ

المشاركة الأصلية كتبت بواسطة نديم الشمال

الرمل في (حزرم )من امس سفيتــــــــــــــه000واناأعرف اني ضــــــايع وضيعت عنواني

ههههههههههههــ

نديم خلكـ بين حزرم والصدارهـ لين تشوف ضبا النفود

[align=center]^^

وش فيه (خلي) يا عساني فديته ...!!
هقيت صدره من عنآ الوقت قويآني ..!!

.
.
.

( الداليه)


شكراً على هذه اللوحه الرائعه لعبدالله الظفيري .. ولاتحرمينا جديدك .. !![/align]