فلا تطرد ورى سمر اللثامي
وحذرا من رفيعات المقامي
فتصبح مثل حالي يا معوّد
نصيحة واحد مجرّب وهامي
حدود النفس يالصاحب تحدّك
ولك من مستوى ناس غرامي
ولو جتك المحبه من مسمّى
ابيك اتكون رجال انهزامي
فخلي الزين لهل الزين يذهب
وانا مزيزن مثلك بالتمامي
تعال وشوف وش صار إبحياتي
معايد دولتين ٍ كالحرامي
وطحت ولا لقيت انسان مخلص
يخلصني وانا اصلا ً محامي
انا والله شيّال الثقيله
ولكني بهاذي انهزامي
عليم الله كم ناس ٍ توفّت
وعليم الله يا بعض الاسامي
توردك المهالك في المحبه
ينتّفونك مثل ريش الحمامي
ورى شمس الغروب تغيب كلك
ولا يبقى من الهيكل عظامي
لذلك حبّلك ناس ٍ بحجمك
يحبّونك مدام انهم حشامي
تقول الشيب ما ينبت لحاله
قسم بالله لو تسمع كلامي
وسلم لي على سمر اللثامي
واقرالي على الدنيا السلامي
سمر اللثامي
العرض المتطور
