يا ناطحات السحب والواجهات قزاز
جيت اتسلق ناطحاتك وأعززها
ماهمني المكتب ولا الكرسي الهزاز
مشاعري راقت ولاحد ٍ يقززها
تكفون هاتولي القوافي مع القفاز
بعض القوافي تجرح الناس وتهزها
لا قرنست بعض القصايد تقول اعجاز
بصمه قويه ودك انك تبروزها
يافلان عطها صنعة الخبز للخباز
مالك ومال المعجزه لا تعجزها
بنت العنب مدت اديها من البرواز
وان هزت الردفيين حذرا تراوزها
بنت العنب هذي دعايه على التلفاز
بنت ٍ حسينه تحتري الشيخ يغمزها
هي راقصة بالييه ومعلمة جمباز
هي سلطنة وتسلطن اللي يمزمزها
الله يلعنها مثل لعنة الهماز
اللي إيغمز بالعين والناس يلمزها
شايب كبير السن مشيه على العكاز
وده رحيق الالهه يوم تفرزها
وده دبل كنياك ولا دبل شيفاز
استغفر الله بس همه يقوززها
له بنت دمعتها على شاطي الاهواز
باعت شرفها وافضحتها غرايزها
البيت يرثاله مصايب يبو عناز
وضعوف ضاعت ما لقت من يحفزها
القرصنه بالهند تفرق عن القوقاز
وقمة جبال التبت بقطع حواجزها
الحر لا من هد يفرق عن الشرياز
والمهره الحره تنومس جوايزها
المجتمع عانا معاناه يا فواااااز
وباقي الخطوط الحمر صعب ٍ تجاوزها
بنت العنب
العرض المتطور
