مهما يموت الورد فالمزهريه
ميموت في قلب ٍ يعزك ويغليك
لا والذي نفسي بدينه رضيه
انك على بالي ولانيب ناسيك
دام الضمير الحي نفسه غنيه
وشلون ابيعك دام هالقلب شاريك
يا مرحبا مليون يالله انتحيه
كل ما خطر ع البال طيفك وطاريك
يابو عيون ٍ خرس يالجاذبيه
عجزت أوصّف كل ما فيك وادعيك
سجيت بين احلامي المشمشيه
حبر و ورق واقلام تكتب وتمحيك
يوم القصايد كلها عاطفيه
حلفت مكتبها بليا معانيك
تشرق بعيني شمسك العسجديه
واقرى بكفك لين تغرب محاريك
ولا من لمست اخدودك النرجسه
حسيت طعم الحب في نور خديك
وعيونك الثنتين ذيه وذيه
وارموشك اللي بالبراءه تداريك
ودي اجيك بليلة ٍ شاعريه
لا دقت الساعه وحلّت بأبراضيك
لا الليل يعشقني ولا الصبح فيّه
ولا الحمام اللي على شجرة الإيك
غرفه ستايرها قديمه اشويه
واجدارها امشقق وعين ٍ تراعيك
ودميه جميله من حبيبي هديه
وصورة اوايق به وانا قول لبيك
شمعه وليله داكنه سرمديه
ونفحات كانوني تهز الشبابيك
برد الشتا والنار تحرق ايديه
ولمسه رقيقه والدفا بين اياديك
ذوقك رفيع وضحكتك مخمليه
تلهم سجايا الروح بحساس امانيك
وهبت عليك انسوم نود ٍ عذيه
ورمل الصحاري يرسمك في خطاويك
ان كان حبك صار ضحكه عليه
رصاصة الرحمه حبيبي تكفيك
اذبح على كيفك ومالك خطيه
اصلا ً انا خلقا كذا ميّت ٍ فيك
روحي تحبك غصب عن والديه
ان جيت يا كل الحلا وين اوديك
تبت يدا الايام كم هي زريه
الخطوه اللي ما تملك وتاتيك
يلعن ابووووها ضحكتك هالبريه
حلم الطفوله ينرسم بين اشافيك
ومهما يموت الورد فالمزهريه
ميموت في قلب ٍ يعزك ويغليك
من اول ما كتبت ! (المزهريه)
العرض المتطور
