الذيب يرفع هامته عن مداسه / من قصيد الوالد

قال الذي والشيب حلّه براسه
قضّى شبابه بالمسره والاحزان

رتّب معاني القيل واحكم واقياسه
من جا يدوّر فيه ما شاف نقصان

ما صادفه معنى عليه اللباسه
ولا صاد كسر ٍ بالقوافي والاوزان

الهرج له غايات طيب ونجاسه
وكل ٍ على هرجه نكيله بميزان

فكّر وقدّر والرجل له فراسه
لو ما تكلم ياصل العلم وكدان

انظر الـ ربعه ثم محل اجتلاسه
الحر ما يرضا تخاويه غربان

الجود والماجوب صعب ٍ امراسه
تلقى الردي وجهه تغير بالالوان

يفرك بيده واشتغل حكّ راسه
يوم القيامه يوم لا جوه ضيفان

والمرجله مثل الذهب والنحاسه
وما نال جودا من تربيه نسوان

ان قيل شب النار يبدى اعطاسه
وهلّت ادموعه مثل هتان الامزان

اصخيف الذرعان وآقلّ باسه
لا نافع ٍ نفسه ولا مكتسب شان

والصدق بالرجال من طيب ساسه
والكذب يرّث بالفتى كل خذلان

والذيب يرفع هامته عن مداسه
يبقى عزيز النفس لو كان جيعان

ولا غرّ بالرجال زينة الباسه
الديك تزهى ريشته والوزن شان

صح لسان الوالد وصح لسانك
ابيات جميله جدا كل الشكر لك على طرحها لاعدمنااك

صحت ابدانك يا الذيب

قصيد الكبار غير

حنا نقطه :في بحر هذيلا

حب لنا خشمه على هالجزلات