ممنوع دخول الي اقل من 18 سنه <<<<< وربع سبيستون لا يوطوطون عند موضوعي *_~

السلام عليكم ورحمه الله وبركاته




صباحكم بالخير يالعمال العماليه
.................... ................. مساكم بالخير يالعمال العماليه
ماتعطونا بنتكم الحلوه الجميله
.................... .................... مانعطيكم هيا الإ بالف وميه
ندخل على دياركم ونكسر أبوابكم
.................... .... وهذي عروستنا




هذا الزمن الأقشر اللي عشناه فيما مضى



عصر ماقبل البطاره <<< البطاره تعي البطره والعز والفشخره = ... عصر الورعنه



أعتقد كل شخص فوق الـ 18مر على هذا العصر الأغبر .. واللي مامر على هالعصر لايكمل يقرا الموضوع علشان برستيجنا مايهتز




هالزمان راح أقسمه لأيااااام .. علشان تعيشو الجو




أياااااام الكشخه



الكشخه فينا تلبس الثوب وغتره بيضا والطاقيه مغطيه الجبهه وشراب أبيض لنص الساق وطاق هذيك النظاره الشمسيه ام 5 ريال < ماكان فيه ابو ريالين ذيك الايام كنا



واللي يلبس ترنج الي فيه كل الألوان وراز ذاك الحزام
ولابس ذآك الجكيت الي له كتافات أسفنجيه <<عاليه الجوده


وماننسى طبعاً مبدا الزي الموحد عند العائلات .. ثنين ولاثلاث من البزارين لازم طقم




...اياااااام بقاله أبو سعيد...




الواحد منا يركض للبقاله بقميصه القطن <<< اللي شاريه له أبوه من البياعه اللي تجي عند بابهم وتروح تشتري ببسي أبو كيس <-- بنص ريال .. وتشتري معه البسكوت الأخضر المربعات اللي بالموز



ولا أيسكريم أربعه بواحد ابو ريال "البرتقالي - والأحمر - والأخضر - والأصفر" اللي يتقاسمونه ورعان البيت كلهم ...وياحظه لو صارت العلبه له لحاله يقعد ثلاث ايام بالثلاجه وهو يلط منه




...أياااااام التصرفات الهمجيه ...



حدث ولاحرج .. مدري عاد هالتصرفات توارثتها الأجيال ولا لا



بقلوب صافيه كنا نزعل ونرضى من اللي زعلنا بسرعه بس شرط أساسي أصبع الخنصر لازم يتصالح مع أصبعي أنا



لا بس هذي تهون عند طريقه الحلف " لاحول ولاقوه الأ بالله " حط أصبعك في فمك ولازم يمتلي الأصبع من السعابيل وبعدين مردغ فيها حلقك .. <<< بعدها تصير صادق



أما اللي بيعلم أنه كذوووب يمد لسانه ويطير لسانه بأصبعه <--- ماأعتقد اني وفقت بهالشرح




...أياااااام التلفزيون السعودي...



طوووووووووووووووووط طططووط <-- فجرت أذانيكم صح ... والشاشه الملونه ... ولا ترن تن تررررن ترررن <-- هذي النغمه لمن يحطون شاشه الساعه .. ومن تجي عشر .. يبدا القران وبعده أفلام كرتونهم الماصخه




أنا أذكر بشار اللي ضيع أمه والدببه اللي بمدينه النخيل وحبيب قلبي الليث الأبيض <-- ماني بصاحي كنت أحب الحيوانات مو الأوادم .. بس تطورت وحبيت ليدي وسارت ليدي وبعدها روبن هود وزورو وهايدي وسالي ..<<<< هذا التطور يمكن على اخر ايام الأبتدائي



وصرت أتابع أفتح ياسمم .. وبدر وأنيس .. <<<ياحبي لهم



<-- الحمد لله والشكر من بعد شخصيات الكرتون .. صرنا نحب أنيس



وبعد هالتطور صرت أتابع برنامج أطفال القصيم وأطفال المدينه وأغانيهم الماصخه



لا والأفلام الهنديه .. اللي كانو يجيبونها على القناة الثانيه



فلم الولد والفيل



وفيه فلم ثاني اللي الحرمه تقطع العقد اللي لابسته عند المعبد <-- يعني طلقت زوجها




وبعد التطور " أمحق " تسنعنا وصرنا نتابع مسلسلات ..."مسلسل عبدالله البحري وعبدالله البري" ..<<<اوه كان احسن مسلسل عندي
"ومسلسل عواد" .. "وصح النوم" .. "وفايز التوش""ومسلسل جواهر .. اللي فيه زوينه وحمد وجواهر "<< ماكنت احب زوينه الشريره





...أيااااام الأناشيد ...



متى يجي بابا
يجي الساعه سته
راكب ولا ماشي
راكب باسكيلته
حمرا ولا بيضا
بيضا زي القشطه



<-- العن ابو المصاله



سويره راحت البر
تجيب العيش الأخضر
واتحطه بالصواني
على جية خوالي
خوالي يا دلالي




...أياااام الدلاخه ...



أنا أشهد انا كنا اكبر دلوخ في تاريخنا .. بس الحين يوم كبرنا .. أذكى منا مافيه <-- اقول لايكثر





..أياااام المدرسه ..



أول يوم دراسي .. والكرتون الكبير الي يجيبه ابوي من المكتبه وكلها محتوياته من ذوووقه " درزن دفاتر أبو ثمانين ولا ستين _ فروووخ لتجليد الدفاتر _ برايه أم مرايه <<<< اهم شي المرايه لانها كانت ممنوعه في المدرسه خخخخخخخخ
وأشياء لاتعد ولاتحصى ..
ويجي دور الهجوم على الغنائم <-- أول مره يشوفون شي جديد



لا والسلام الملكي حق المدرسين .. من يدخل المدرس الكراسي والطاولات يبن ينحاشن من اصوات العيال <<<<<< " شرفتنا ونورتنا يا استاذ محمد " ......



...أيااااام الممنوعات ...



كان الأتاري من ضمن الممنوعات في بيتنا .. أو بمعنى أصح مايجي من نفسه لازم له طراره من البزارين <<<<< ويعسكرون عند راس ابوي لين ما يوافق علشان يسمح له دخول منزلنا ..



أذكر كل ماقلنا لأبوي نبي أتاري .. قال لنا الأتاري مااسمع له طاري
وبعده العائله ولعبه ماريو




بس أزين شي ان طلعت الشارع عادي <<< اهم شي عندنا الشارع



كانت فيه أشياء كثيره ممنوعه بوقتها ... كل ما أذكر أني أصيح لما يرفضونها أحس ان البرائه بتشقق بعضها



***ملحوووظه***



* الي مامرت عليه هالأشياء ولا عاصرها .. لايتفلسف هنآأا .. ويطلع برا








* واللي من ربعنا يشارك بذكرياته الماصله معنا

ههههههههههه

وسن مرت من هنا وعاشت اغلب ذي الذكريات هههه

اخلي ذكرياتي انا وجلنار في ارشيفنا افضل <<<< ما بلاش فضايح


مشكور حزن ولي عوده لأقرأ ذكريات الاعضاء :$
واذا تحمست ممكن اضع لكم مقتطفات من حياتي

see U

[align=center]

فوق الـ 18

هالجمله عقدت بزآرين واجد خخخاي ^_*

أياااااام الكشخه

بقولك آيآم الكشخه حتى مآ كآن آسمهآ كشخه عندنا ----> آسمها الزبرقـه
طبعآً باللي لسه مآسكته الميموري حقتي ... كآن آنواع الزبرقه تشوفهآ فالاعيآد والافراح ... وتشووف السيآرآت المحطوط عليهآ ترتر تفصيل بنآتي فوق الطبلون ... وخآلد عبدالرحمن كآن في قمة توهجه الفني يعني لو تسمعه اليسا تنزل اغاني شعبيه زيه ..يعني مآتمر في شآرع الا وتلقى .. منوعآت لآغآنيه في اربع ثواني بس ... ولاتهون آغنية ( يآسعد لو تشوفه شوف مآني بشآيف
) يآلطيف هالاغنيه وش سووت بالخلق وشلون لعبة بمشآعر العآطفييين ذآك الوئت
وكان في ذيك الفتره الحب العفيف مو اللي خبري خبرك هشك بشك لا كآن فيه فقش ودبج بين عيآل الحاره ..عفنآن ... وسعيد ..على السنيوره مغيضه ..!

المهم آجمل مامر في تلك الفتره عندنآ ...القلاب ابو طقاق + الكبك الملكي

...اياااااام بقاله أبو سعيد...

خبري سوبر ماركت دنيآ ... كآن مسوي مجلدآت ---> حساب على الدفتر ..!

كان الذهآب له بـ آي شي لابسه لو ( بوكسر ) <-- يمدي عليهآ
لايعني آخر التفكير وش لابس آهم شي يستر العوره ... لو الفلينه خضرا والبنطلون احمر والجزمه سودآ عادي ---> بطيخه

...أياااااام التصرفات الهمجيه ...

وشفيك تقز يآ بو ..

بس بطبيعتهآ كانت الاجوآء هآديه وان جت هوشه ..فـ غالباً ماتكون المحصله كآرثيه

...أياااااام التلفزيون السعودي...

يآ حنىآ من آوآئل من شرى الدش زمآن كآن بـ 10 آلآف .. آو آقل .. <---- متطورين خيو ..

بس لي ذكريآت مع غصب وآحد وغصب ثنين ..لاتنسى بتآتآً البته ..

آحد ينسىآ النشره الجويه ..----> حسن كرآني ومآ آدرآك عن حسن كرآني
.. صوته في ذآكرتي لليوم ..!


طيب من يتذكر .. ( دقة العود ) ..يوم تقفل غصب واحد

وآفلام الكرتون اللي كنت آتآبعهآ ---> ذووك اللي في الجزيره ويبنوآ فيهآ .. وبعدين تجيهم سفينه بعد كمن سنه ---> عآد ورعآن كنآ لاتدققو

طبعاً لحقت على ( البوكيمون وهزيم الرعد وطقة كونان = سبيس تون ) <-----


لي بآك آن رآد الله

[/align]

شـكــ وبارك الله فيك ـــرا لك ... لك مني أجمل تحية .

[align=center]
كلها بس مالحقوا التغذيه المدرسيه

(والنوغا والبسكوت هههههه)
[/align]

أشكرك حزن النبلاء وليت ذااااك الزمااااااااان يعود !!!!

اممممممممممممم

طيب الي تحت 18 وتلقفت وأدخلت وش تسوي الحين ترد ولا تطلع برااا وتسك الباب وهي مغمضه

وعليكم السلام ورحمة الله وبركاته

يا حليلك ،، يابو يعقوب ،،،

سرد جميل لذكريات جميلة بأسلوب (لزيييييييز ) ،،

هذا ،، إذا قبلت مداخلتي باعتباري ،، تجاوزت خط الـ 18 ،،،

وإن كان لمسي للكرة باليد غير متعمد ،،،

وإذا أخرجت الكرت الأصفر في وجهي ،، فرأيك محترم ،،،

ولي ملاحظة ،،،

ليش يا بناخي ما نزلت موضوعك كمشاركة في موضوع الأخت أم الجود

( ذكريات الطفولة تنادينا ) ،،

هنا
7
7
7
http://www.alhowaitat.net/showthread.php?t=28281

هذا مجرد رأي ،، من داخل خط الـ 6 ،،

إن قبلته فحسن ،، وإن رفضته ،، فكرتك الأحمر مقبول ،،

ولك كل المحبة والتقدير من

عمك العود

أبو ياسر

المشاركة الأصلية كتبت بواسطة المهندس عبدالكريم الفته

وعليكم السلام ورحمة الله وبركاته

يا حليلك ،، يابو يعقوب ،،،

سرد جميل لذكريات جميلة بأسلوب (لزيييييييز ) ،،

هذا ،، إذا قبلت مداخلتي باعتباري ،، تجاوزت خط الـ 18 ،،،

وإن كان لمسي للكرة باليد غير متعمد ،،،

وإذا أخرجت الكرت الأصفر في وجهي ،، فرأيك محترم ،،،

ولي ملاحظة ،،،

ليش يا بناخي ما نزلت موضوعك كمشاركة في موضوع الأخت أم الجود

( ذكريات الطفولة تنادينا ) ،،

هنا
7
7
7
http://www.alhowaitat.net/showthread.php?t=28281

هذا مجرد رأي ،، من داخل خط الـ 6 ،،

إن قبلته فحسن ،، وإن رفضته ،، فكرتك الأحمر مقبول ،،

ولك كل المحبة والتقدير من

عمك العود

أبو ياسر

اول شي اعتذر عن الي ردوا بالاول

ورديت ع العم ابو ياسر لمعزته ومكانته بالقلب


وبالنسبه لملاحظتك يا عمنا العود ما عآشت اليد الي تعطيك الكرت الاحمر

ولافيه كلام بعد كلامك ، وبالنسبه لموضوع بنت الجود ماشفته الا من ردك

فالخيار لك والشرف لنا على مرورك الـ ( لزيييييز )

من ذكرياتي


اتذكر أن ممحاتي الجميلة كانت لها رائحة مميزة تجذبني إليها وتجعلها عندي من أغلى الأدوات المدرسية ومازالت إلى اليوم أحب بل (أعشق ) شم أي ممحاة تقع عليها عيني باحثة عن رائحة الطفولة بها ومجددة مشاعر لاتنسى !
***
اكره علبة الهندسة وتفاصيلها المملة لذا هي دوما فارغة عندي باستثناء المسطرة خفيفة الظل

*****

تجليد الدفاتر كان يشكل أكبر عبء ( فرخ + طابع +نايلون +وتدبيس ) بالإضافة لتجليد الكتب ... مما يجعل من الأسبوع الأول من المدرسة معاناة حقيقية ( ودوخة رااااس لاتنتهي )

*****

(مخلص صديق الحيوان) و (كعبول) و( وكوالا) من أحب المسلسلات الكرتونية لدي لذا مازالت احفظ مقدمة البدايات لها وارددها أحيانا بشئ من المرح والسعادة

*****

لاتخافي لاتخافي نحن أبطال المطافي
نحن شجعان كرام حينما ندعى نوافي


احب تلك الأنشودة المدرسية رغم أنها تخص منهج الأولاد وكنت ارددها مع إخوتي على الدوام وتركت في نفسي شي جميل لايمحى ...






اممم نكتفى بهذا القدر ...

شكرا حزن النبلاء رغم أن موضوعك حرّك مشاعر كانت غافية وأثار شجوووني

هههههههههههههههههههههههآآآآآي ذكرتني في الذي مضى ياغلاااام ,,


اذا على القصص والمغامرات حدث ولا حرج ,,


وانت اخبر في الاشياء هذي ,,

مشكوووووور ابن عمي ,, والله يعطيك العاااافيه ,,


تحيااااتي ,,

طيب طآلما إن البنآت ردوا على الموضوع فاليوووم جبت لكم شوي من ايام مصالتهم وزمنهم الاقششر



طبعا كشخة البنت انها تلبس الطوق والبكله والشراب القصير أبو كشكش وحاطه من الروج الأخضر السحري <<<< " الي بعد خمس دقايق يقلب أحمر .. كأنها مصاصه دماء .. "<<<< ماعاد الشكل يصير برئ هي وذا الروج

الي تلبس الفستان المكسر "((اللي من تحت مليان جيبون))" و حزام الفستان يسحبل بالشوارع

> وسن مشكووورهـ على مرورك بس وييين بتروحي مطلوبه انتي وجلنار هنا ولاتعدوا الموضوع بدون ما تقولوا كل شي



> الدحمي هههههههههه اوما بوكسر :|
مشكوووور على ذكرياتك القميله


> حويطي واصل مشكور على المرور


> نديييييم ما اظن انه في شي فآتك انت



> الماااسسسسه هيييين ما تعين الهرج انتي لك الرد الي فوق للبنات


> السديم حسسسسيت ان كلامك طالع من قلببببببب ومعاه تنهيدهـ هههههههههههههههه


> أخت الرجال أبد تديور وتروح تتآبع سبيستون ونيوكولودين وبنستر عليها


> دوووووناااا هههههههههههههههآآآآآآآآآآآي من اليوم وطالع بسميك مدمنة المساحات هههههههههه

سوي تحليل لايكون عندك نسبة عاليه بالدم خخخخ


> تحدووووووهـ ترا ابدن وانا اكتب الموضوع ما تخيلت صورتك وانت لابس البدله والنظاره الشمسيه

ذكريااااااااااااات روووعه

اتذكر وانا في اول ابتدائي جتني فكره عبقريه
وسويت ذكيه قلت ليش ماخلي الشنطه بالمدرسه
واجي بكره بدل ما انا رايحه وجااايه فيها داخله
ع امي بدون شنطه <<< وبعد مهاوووشه وتهزيئه
محترمه رجعنا انا وهي المدرسه نجيب الشنطه..

...

اذكر اخوي يوم كان بالكليه كنت صغيره في رابع ابتدائي
كان يحط في جيبته قلم حبر الي بنص احمر وازرق واخصر واسود
راصهن وترا مره قاعدين نتريق ع بعض وذكرته .. طبعا اخوي الكبير بس ضاربين ميااانه ربي يخليه بس
وبعد مره اخوووي سوا لي حفلة نجاح كنت طالعه من خامس وبعد لما خلصت الحفله طلعنا حنا والبنات نلعب بالشااارع وكان في بيت عنده تراب بيت ينبني المهم خذيت عقد الذهب ودفنته بالتراب تو اخوي كان جايبه هديه نجاااح وقلت لصديقاتي دوره مالقيناه وجاء اخوي قال الي يلقاااه له 10 رياال
حصلته وحده من البنات واعطاه 5 مو عشر الي يومك هذا متذكره الموووقف صديقتي وتتطالب بالخمسه
طبعا هالموقف له 15 سنه ,,, وسبحان الله مانسينااااااه ...

وذكريااااااااااات الطفوووله حلوووه مع اني وحيده ماعندي اخوات من نفس عمري كبااار
والي قدامي اخواني ربي يخليهم .. وبما اني اخر العنقووود في مواقف كثيره بس
مابي اطووول بالموووضوع وشكرا لك حزن على ماطرحت وذكرتنااااا باحلى ايااام

اعذرني يا حزن النبلاء
دخلت الموضوع مع أنك نبهت اللي أقل من 18 ممنوع الدخول !!
و استمتعت بقراءة تفاصيل( زمانكم )...
فكرة مميزة

ادخل الموضوع واستغفر الله
وأرجع اطلع... محتاره

بس مو مشكله يلا بقولكم قصه للحين متذكره تفاصيلها ..

اذكر واحنا صغار في مره من المرات صار معنا موقف..انا ووحده هنا

مره سافرنا لمصر بالباخره وطبعاً الباخرة تاخذ مدة 4 ساعات في البحر
واحنا ما جلسنا في كراسينا الا نص ساعه

تفحصنا الباخره من الكراجات الى غرفه القياده

لين ما وصلنا مقدمه السفينه في الزاويه فوق ...اعلى موقع فيها

ونزلت فكره في راس الي معي
تقولي تعالي نطلع نسوي زي تايتنك
كان ايامها صورهم على حبات العلكه

زي كذا
^
^




وانا اقولها استهدي بالله يا بنت وانزلي لنموت


تقولي لا تعالي بس اطلعي والله ما يخوف

وانا طلعت واشوف البحر من كل الجهات واتجمد بمكاني

وما نسمع الا...!!
صوت ورانا يقول << بتعملي ايه يا بت انتي وهيه انزلو لتأعوا بس بصوت عالي
وانا وهيا نسينا الخوف ونطينا وركض على تحت...

حتى شكل الرجال ما شفناه
تذكروا النص ساعه الي قلتلكم عنها
هذي هي الي جلسناها بعد الخوفه

وكل ما نسمع احد يتكلم مصري نشك ونقول يمكن هوا
ما ادري ليه كنا خايفين منه < والله حسبناه جني ...صغار كنا
الكل استغرب الهدوء الفجائي الي نزل علينا

ومن بعدها كرهنا العكله وحتى لما رجعنا ما اكلناها ابداً

وبس وصلنا سالمين

>>تسمع انآآ ضآآيق


أهلين حزووووووووون,,,

يآآآآآآه عليك رجعتني ليآآآآم زمآآآآآن,,,
>>>lعجوز

عآآد الله يعينكم تسمعوووو طفولتي الحلوه>>

ببتدي من قبل المدرسه كنت 24 سآآعه بالشآآرع بس اذا شفت سيآآرت الموتى(( البلديه )) أهج وأخش أقرب بيت ,,,

اذكر كنت أحب الحلآآوه ذيك الكور المدوره واذا مآآمعي فلوس أخش مع أخوي البقآآله وأعبي جيوب البنطلون عآآد الموت لآآكآآن الجيب مقطووع تعآآآلو شوفو هندي البقآآله وهو يشوف الحبآآت يتنآآثرن ,,

عآآآد المووت عندي لآآآ طلبت شي مآآصآآر ,,
اذكر مره طلبت امي شي وعيتني ,,
رحت الحوووش وخذيت قزآزه فيمتوو(( شربيت))

وأجيب سكين وواكب الشربيت على نفسي وأنسدح وأحط السكين على رقبتي >> متآآثره بالسعوديه الثآآنيه

طبعآآآ بخصوص الملآآآبس كآآن يوم نمشي أنآآ وخوآآآتي كنآ الخآآدمآآـت الي الحين بقآعآآت العرووس نفس اللبس والشعر وكل شي

طبعآآآ اكثر شي صدمني بطفوولتي يوم ولد جيرأأنأأأ كآآآن دووووب مررره وفجئه أشوفه ويصير نحيـف جلست اسبوع أروح لبيتهم أشوف مو مصدقه>
طبعآآآ شهآآدت سآآدس ابتدآآئي مآآ انسى كيف رحت أستلمهآآ ع البسكليت مع أخوي وصآآحبه هههه


يكفي فضآآآآآآيح


وبسسسسسسسسسسسسسسسسسسسسسس,,:

السلام عليكم ورحمة الله وبركاته

عااااااد ،،، ما بدهاااااش ،،، يابو يعقوووب ،،،

أشوف موضوعك جذب الكثيرين من الزوار ،،،

وأنا اتفرج وأقرأ ،،، وما أقدر أصبر ،، الكل يحكي وأنا بس اللي أسمع

مايصييييير هيك ،،، لازم أحكي وأشارك ،،، وأعتذر من بنت عمكم

(بنت الجود) ،،، مرة ههنا ومرة هناك ،،

معليييش ،، يا بنت الجود ، زي مايقولون ، الحاوي كيسه مليان

ومتصفحك له عندي مواضيع كثيرة ،، وسأعود إليه لو وجدت فيه

من يشاركنا ويضيف إليه من كيسه ، لأن التشكيل حلو والتنويع مفيد ،

حكايتي لك يا (حزن النبلاء) ،، ولا يهونون الباقين ،،

عن ( قوس قزح )

هذا ،، الله يسلمكم كنا وحنا صغار نسميه (قوز قدح) ،، وما أدري ليش سموه كذا !!

كنا نعرف القوز هو كوم التراب المرتفع ،، يعني تقدرون تقولون (الطعس) !

وكنا نستمتع بمشاهدة قوس قزح في الأجواء الرائعة المعروفة بالطائف

كانت البنيات الصغيرات إذا شافن هذا المنظر البديع يرددن أنشودة قصيرة :

قوز قدح ،، طوِّل شعري ،،،،،

وصِّله لحد ( ...... ) >>>>> يمكن عيب نقول الكلمة هاذي

وعشان تكون مفهومة للجميع يقصد بها المؤخرة ، يعني على وزن (شعري) ، وبس !!

أما أنا فحكايتي مع قوز قدح كانت حكااااية ،،

مرة شفته ،، ودفعني حب الاستطلاع أن أعرف من وين يطلع ؟؟؟

أكيد من الشارع اللي بعدنا بشارعين أو ثلاثة ،،

يالله ياولد تمشى شوي وتأكد ،،

انتقلت للشارع التالي ،،، الا وهو يتحرك ويبعد ،، كأنه راح لشارع أبعد

قلت أجري أسرع وأنتقل شارعين أو ثلاثة يمكن ألحقه ،،،

بس وين ؟؟ تقول كورة شايتها (بو شروان) ،، القوز يبعد أكثر وأكثر !!

وأنا ما يئست إلى أن وصلت الشارع السابع في حي اليمانية ،، في نهايته

ووقفت على حافة وادي وج ،، حيث لا بيوت ولا مباني أخرى

إلا على الجانب الآخر من الوادي ،، والقوز العاصي يمد لي لسانه

من خلف بيوت الشهداء الجنوبية (الحي المقابل) ،، ويقول الحقني لو كنت شاطر

كان ودي ،، ودي والله أمسكه وأسحبه إلى باب البيت وأربطه حتى ما يتحرك

من يمنا ،، وأخليه فرجة وعبرة لمن يعتبر ،،

لكن كنت صغير جدا ،، والذهاب إلى الشهداء الجنوبية لوحدي مخاطرة كبيرة

وقلت الأيام جاية يا قوز قدح ،، والمطر بالطايف ما ينقطع ،، ومصيري

في يوم أعرف أصلك وفصلك ،،،

ولم تنتهي محاولاتي ،، حتى وصلنا للمرحلة المتوسطة وعرفت المقصود

بألوان الطيف ،، التي يمثلها كنموذج طبيعي (قوس قزح) ،،

تحياتي

عمكم العود

المشاركة الأصلية كتبت بواسطة جلنار

ادخل الموضوع واستغفر الله
وأرجع اطلع... محتاره

بس مو مشكله يلا بقولكم قصه للحين متذكره تفاصيلها ..

اذكر واحنا صغار في مره من المرات صار معنا موقف..انا ووحده هنا

مره سافرنا لمصر بالباخره وطبعاً الباخرة تاخذ مدة 4 ساعات في البحر
واحنا ما جلسنا في كراسينا الا نص ساعه

تفحصنا الباخره من الكراجات الى غرفه القياده

لين ما وصلنا مقدمه السفينه في الزاويه فوق ...اعلى موقع فيها

ونزلت فكره في راس الي معي
تقولي تعالي نطلع نسوي زي تايتنك
كان ايامها صورهم على حبات العلكه

زي كذا
^
^




وانا اقولها استهدي بالله يا بنت وانزلي لنموت


تقولي لا تعالي بس اطلعي والله ما يخوف

وانا طلعت واشوف البحر من كل الجهات واتجمد بمكاني

وما نسمع الا...!!
صوت ورانا يقول << بتعملي ايه يا بت انتي وهيه انزلو لتأعوا بس بصوت عالي
وانا وهيا نسينا الخوف ونطينا وركض على تحت...

حتى شكل الرجال ما شفناه
تذكروا النص ساعه الي قلتلكم عنها
هذي هي الي جلسناها بعد الخوفه

وكل ما نسمع احد يتكلم مصري نشك ونقول يمكن هوا
ما ادري ليه كنا خايفين منه < والله حسبناه جني ...صغار كنا
الكل استغرب الهدوء الفجائي الي نزل علينا

ومن بعدها كرهنا العكله وحتى لما رجعنا ما اكلناها ابداً

وبس وصلنا سالمين

جلنار وش هذا!!!

موقلنا ما بلاش فضايح
بس اشوى انك قلتي ذي السالفه ما قلتي غيرها



احلى ايام كانت والله
بس كان فينا حب استطلاع فضيع <<< مو لقافه حب استطلاع ركزو زين



شكرا حزن مره ثانيه

هههههههههههههههههههههههههههههآآآي الله يسعدك ياعمى العود على الصبااح هذا


وصِّله لحد ( ...... ) >>>>> يمكن عيب نقول الكلمة هاذي
ههههههههههههههههههه

انا خايف ياعم ان حب الاستطلاع عندك مو قوز قدح << على قولك

تبي تكتشف لين وين حد الشعرر هههههههههههههههههههههه

شكرآ ياعمى العود على هييييك قصه ومغامره ممتعه ..

وانتظر جديدك ,,