[poem=font=",7,black,normal,normal" bkcolor="transparent" bkimage="http://www.alhowaitat.net/mwaextraedit2/backgrounds/129.gif" border="none,4," type=1 line=1 align=center use=ex num="0,black""]
انا ماقهرني لو وعدني وعد عرقوب=انا اللي قهرني قاه في قلب ما يفقاه
يجيني بطيبة قلب ضحك و دلع و اسلوب=واجيله على الموعد خساره ولا القاه
يقولون: ما كل البشر طيبين اقلوب=وقليل البَخت لو يتعبِ الروح يا مشقاه
أيا ويح حب ٍ زاد قلبي شقا وذنوب=ويا هم فوق الهم ويا حرقتي حرقاه
ويا كثر مغليته ويا ما سترت عيوب=وطفت الشوارع عقب ما طوّلت فرقاه
تجفّ الورود وشمتي في اديني اتذوب=واطالع عقارب ساعتي والامل ابقاه
ملامح نهر تعكس قمر وجهه الحبّوب=ألمّه حضن وآبعثره شوق واتلقّاه
ذكرته وهو جالس يسكّر زرار الثوب=ويدّي على المبسم وداناته منقّاه
يفلّ البُكل ويدّثره شعره الخرّوب=وحرارة يده تكوي خفوق المعَانق آه
على هقوتي ولّى على امره المغلوب=غيابه حمس كبد المُولّع ولا اسقاه
ولا آسيْ ظني فيه ما دامه المطلوب=وقلبي جبل ما تهزّه الريح لو ترقاه
يحين الشفق وآودّعه والوداع غروب=عسى باكر اليا أشرقت شمسنا القاه[/poem]
قاه في قلب ما يفقاه
العرض المتطور
